തമിഴ് നടന് ധനുഷ് തങ്ങളുടെ മകനാണെന്ന അവകാശ വാദവുമായി വൃദ്ധ ദമ്ബതികൾ എത്തിയ വാർത്ത വലിയ രീതിയിൽ ചർച്ച ആയിരുന്നു. ഇപ്പോൾ വൃദ്ധ ദമ്ബതികളിലെ ഭര്ത്താവ് മരിച്ചു എന്ന വാർത്തയാണ് പുറത്തു വരുന്നത്.
മധുരൈയില് നിന്നുള്ള കതിരേശന്, മീനാക്ഷി എന്നിവര് ആയിരുന്നു മുൻപ് ധനുഷ് തങ്ങളുടെ മകനാണെന്നും മകനെ തിരിച്ച് വേണമെന്നും ആവശ്യപ്പെട്ട് എത്തിയത്. ഇത് വലിയ രീതിയിൽ ചർച്ച ആയിരുന്നു. 11ാം ക്ലാസില് പഠിക്കാനായി വീടുവിട്ടിറങ്ങിയ മകനാണ് ധനുഷ് എന്ന വാദവുമായി കതിരേശനും ഭാര്യയും അന്ന് രംഗത്ത് എത്തിയത്. ധനുഷിനോട് പ്രതിമാസം 65,000 രൂപ നഷ്ടപരിഹാരം നല്കണം എന്നാണ് ദമ്പതികള് അന്ന് ആവശ്യപ്പെട്ടത്.
അതേസമയം ധനുഷിന്റെ പിതാവ് എന്ന് അവകാശപ്പെട്ട് രംഗത്ത് എത്തിയ കതിരേശന് (70) ആണ് ഇപ്പോൾ അന്തരിച്ചത്. കുറച്ച് കാലമായി ആരോഗ്യപ്രശ്നങ്ങളാല് ചികിത്സയില് കഴിയുകയായിരുന്നു ഇദ്ദേഹം.മധുരെ രാജാജി ആശുപത്രിയില് ചികിത്സയിലിരിക്കെയാണ് മരണം.
മധുരയിലെ മേലൂര് താലൂക്കില് മലംപട്ടി ഗ്രാമത്തില് താമസിക്കുന്നവരാണ് കതിരേശനും മീനാക്ഷിയും. ധനുഷ് തങ്ങള്ക്ക് പിറന്ന മൂന്നാമത്തെ മകനാണെന്ന് അവകാശം ഉന്നയിച്ച് ഇവര് രംഗത്ത് വന്നതും തുടര്ന്ന് നടന്ന നീണ്ട നിയമ പോരാട്ടവും ഏറെ വാര്ത്തകളില് നിറഞ്ഞിരുന്നു.
എന്നാൽ ഈ ആരോപണത്തിനെതിരെ ധനുഷ് വക്കീല് നോട്ടീസ് അയച്ചാണ് പ്രതികരിച്ചത്. പിന്നീട് മധുര മേലൂര് കോടതിയില് ദമ്പതികള് നല്കിയ കേസ് ചെന്നൈ ഹൈക്കോടതി തള്ളിയിരുന്നു. എന്നാല് വ്യാജ രേഖകള് ഉപയോഗിച്ച് താരം കേസില് വിധി നേടിയത് എന്ന് ആരോപിച്ച് വീണ്ടും മധുരൈ ഹൈക്കോടതിയില് ഹര്ജി നല്കുമെന്നും കാര്ത്തിരേശന് വ്യക്തമാക്കിയിരുന്നു.
തുടർന്ന് കസ്തൂരി രാജയും വിജയലക്ഷ്മിയും തന്നെയാണ് ധനുഷിന്റെ മാതാപിതാക്കള്. അതേ സമയം തങ്ങളുടെ ആരോപണത്തില് നിന്നും പിന്നോട്ടില്ലെന്നും മേല്ക്കോടതിയെ സമീപിക്കും എന്നാണ് കതിരേശനും മീനാക്ഷിയും പറഞ്ഞത്. അതിന് പിന്നാലെയാണ് കതിരേശന് ആശുപത്രിയില് ആയതും മരണം സംഭവിച്ചതും.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്