വമ്പൻ നേട്ടം; ഊർവ്വശി ചിത്രം ഉള്ളൊഴുക്ക് ഒസ്കർ ലൈബ്രറിയിൽ

OCTOBER 24, 2024, 10:35 PM

ഉർവശി, പാർവതി തിരുവോത്ത് എന്നിവർ കേന്ദ്രകഥാപാത്രമായി എത്തിയ ചിത്രമാണ് ഉള്ളൊഴുക്ക്. നിരവധി പ്രശംസ പിടിച്ചു പറ്റിയ ചിത്രത്തിന് ഇതാ ഒരു പുതിയ നേട്ടം കൂടി.

സിനിമയുടെ തിരക്കഥ അക്കാദമി ഓഫ് മോഷൻ പിക്‌ചേഴ്‌സ് ആർട്‌സ് ആൻഡ് സയൻസിന്റെ ലൈബ്രറിയിൽ(ഒസ്കർ) ഇടംപിടിച്ചിരിക്കുകയാണ് ഇപ്പോൾ. സംവിധായകൻ ക്രിസ്റ്റോ ടോമിയാണ് ഇക്കാര്യം അറിയിച്ചിരിക്കുന്നത്.

ലോസ് ആഞ്ചലസിൽ വച്ച് നടന്ന ഐഎഫ്എഫ്എൽഎയിലും ചിത്രം പ്രദർശിപ്പിക്കപ്പെട്ടിരുന്നു. സുഷിന്‍ ശ്യാമാണ് ചിത്രത്തിന്റെ സംഗീതം നൽകിയത്. ഉര്‍വശി, പാര്‍വതി എന്നിവരെക്കൂടാതെ അലന്‍സിയര്‍, പ്രശാന്ത്‌ മുരളി, അര്‍ജുന്‍ രാധാകൃഷ്ണന്‍, ജയാ കുറുപ്പ്, വീണാ നായർ തുടങ്ങിയവരാണ് മറ്റ് പ്രധാന കഥാപാത്രങ്ങളെ അവതരിപ്പിച്ചത്.