കീമോതെറാപ്പി ചികിത്സ ആരംഭിച്ചു; ‘എല്ലാവരും പ്രാർഥിക്കണം’ എന്ന് സോഷ്യൽ മീഡിയ താരം രേണു സുധി

JUNE 19, 2026, 3:34 AM

തിരുവനന്തപുരം: തനിക്ക് കാൻസർ സ്ഥിരീകരിച്ച വിവരം അടുത്തിടെ ആരാധകരുമായി പങ്കുവെച്ച സോഷ്യൽ മീഡിയ താരം രേണു സുധി ചികിത്സയുടെ പുതിയ ഘട്ടത്തിലേക്ക് കടന്നതായി അറിയിച്ചു. കാൻസറിനെതിരായ പോരാട്ടത്തിന്റെ ഭാഗമായി കീമോതെറാപ്പി ചികിത്സ ആരംഭിച്ചുവെന്നാണ് രേണു സോഷ്യൽ മീഡിയയിലൂടെ അറിയിച്ചത്.

രോഗാവസ്ഥയെക്കുറിച്ച് സമൂഹമാധ്യമങ്ങളിൽ വിവിധ തരത്തിലുള്ള പ്രചാരണങ്ങൾ നടന്നതിന് പിന്നാലെയായിരുന്നു രേണു തന്നെ യഥാർത്ഥ വിവരം പുറത്തുവിട്ടത്. രോഗം മൂന്നാം ഘട്ടത്തിന്റെ അവസാന ഭാഗത്താണെന്നും ചികിത്സ ഉടൻ ആരംഭിക്കുമെന്നും അവർ നേരത്തെ വ്യക്തമാക്കിയിരുന്നു.

ഇപ്പോഴിതാ കീമോതെറാപ്പി ആരംഭിച്ച വിവരം അറിയിച്ചുകൊണ്ട് ഇൻസ്റ്റഗ്രാമിൽ പങ്കുവെച്ച കുറിപ്പിലാണ് രേണു ആരാധകരുടെ പ്രാർഥന അഭ്യർഥിച്ചത്. “കീമോതെറാപ്പി ആരംഭിക്കുകയാണ്. എല്ലാവരും പ്രാർഥിക്കണം” എന്നായിരുന്നു രേണുവിന്റെ കുറിപ്പ്.

പോസ്റ്റ് പങ്കുവെച്ചതിന് പിന്നാലെ നിരവധി പേരാണ് ആശംസകളും പിന്തുണയും അറിയിച്ച് രംഗത്തെത്തിയത്. ധൈര്യത്തോടെ ചികിത്സയെ നേരിടണമെന്നും വേഗത്തിൽ സുഖം പ്രാപിക്കട്ടെയെന്നുമുള്ള സന്ദേശങ്ങളാണ് കമന്റ് ബോക്സിൽ നിറയുന്നത്.

രേണുവിന്റെ പോസ്റ്റിന് ഇതിനോടകം തന്നെ 26,000-ത്തിലധികം ലൈക്കുകളും രണ്ടായിരത്തിലധികം കമന്റുകളും ലഭിച്ചിട്ടുണ്ട്. ആരാധകരും സഹപ്രവർത്തകരും ഉൾപ്പെടെ നിരവധി പേരാണ് താരത്തിന് പിന്തുണ അറിയിച്ച് എത്തിയത്.

കാൻസറിനെതിരായ പോരാട്ടത്തിൽ തനിക്ക് ഒപ്പമുണ്ടാകുന്ന എല്ലാവർക്കും നന്ദി അറിയിച്ചുകൊണ്ടാണ് രേണു ചികിത്സയുടെ പുതിയ ഘട്ടത്തെക്കുറിച്ചുള്ള വിവരം പങ്കുവെച്ചത്.