വെസ്റ്റിൻഡീസിനെതിരായ ഒന്നാം ഏകദിനത്തിൽ തകർപ്പൻ സെഞ്ച്വറി നേടി ഇന്ത്യയെ വിജയത്തിലെത്തിച്ച ശേഷം കരിയറിലെ നാഴികക്കല്ലുകളെക്കുറിച്ച് സംസാരിക്കുകയായിരുന്നു അദ്ദേഹം.
ഏകദിനത്തിൽ 15,000 റൺസ് പൂർത്തിയാക്കുന്ന ക്രിക്കറ്റ് ചരിത്രത്തിലെ രണ്ടാമത്തെ താരമെന്ന നേട്ടമാണ് കോഹ്ലി സ്വന്തമാക്കിയത്. സച്ചിൻ ടെൻഡുൽക്കറിന് പിന്നാലെയാണ് താരം ഈ നേട്ടത്തിലെത്തുന്നത്. മത്സരത്തിൽ 88 പന്തിൽ പുറത്താകാതെ 139 റൺസെടുത്ത കോഹ്ലി ഒൻപത് സിക്സും 10 ഫോറും കൂട്ടിച്ചേർത്തു. ഏകദിനത്തിലെ 55-ാം സെഞ്ച്വറിയും ഇതോടെ കോഹ്ലി സ്വന്തമാക്കി.
'നീണ്ട കാലം ക്രിക്കറ്റിൽ തുടരാനും ഇത്രയും നേട്ടങ്ങൾ സ്വന്തമാക്കാനും കഴിഞ്ഞതിൽ ദൈവത്തോട് നന്ദിയുണ്ട്. കഠിനാധ്വാനത്തോടൊപ്പം എനിക്ക് ലഭിച്ച അവസരങ്ങളെയും വിലമതിക്കുന്നു. കരിയറിന്റെ ഈ ഘട്ടത്തിൽ കൂടുതൽ ആക്രമണോത്സുകമായി ബാറ്റ് ചെയ്യുക എന്നതാണ് ഞാൻ നേരിടുന്ന പുതിയ വെല്ലുവിളി. മത്സരത്തിന്റെ ഓരോ നിമിഷവും ഉണർവോടെ ശ്രദ്ധ കേന്ദ്രീകരിക്കുകയാണ് പ്രധാനം.
കളിയുടെ പുതിയൊരു പതിപ്പ് സ്വയം കണ്ടെത്താൻ ശ്രമിക്കുന്നത് ആവേശകരമാണ്. ഇന്ത്യയ്ക്കായാലും ഐ.പി.എല്ലിലായാലും അത് ടീമിന് ഗുണം ചെയ്യും. സ്വതന്ത്രമായ മനസോടെ കളിക്കാൻ ഇത് എന്നെ സഹായിച്ചിട്ടുണ്ട്. ശാരീരികക്ഷമത ബാറ്റിംഗിലും നിർണായകമാണ്. ശരീരം നന്നായി സൂക്ഷിച്ചാൽ മത്സരത്തെക്കുറിച്ച് വ്യക്തമായി ചിന്തിക്കാനും ആഗ്രഹിക്കുന്ന രീതിയിൽ കളി ആസൂത്രണം ചെയ്യാനും കഴിയും.'
'അവസാന 15 ഓവറുകളിൽ ബൗണ്ടറികൾക്കിടയിൽ വേഗത്തിൽ ഓടാനും ഫീൽഡിംഗിൽ കൂടുതൽ ഉണർവോടെ നിൽക്കുന്നതടക്കം എല്ലാറ്റിലും മികവ് പുലർത്തുകയാണ് ലക്ഷ്യം. അവസരം ലഭിക്കുമ്പോൾ സമ്മർദ്ദത്തോടെ സമീപിക്കുന്നതിന് പകരം സ്വാഭാവിക ശൈലിയിൽ പോസിറ്റീവായി കളിക്കാനാണ് ആഗ്രഹിക്കുന്നത്. ആക്രമണോത്സുകതയോടെ കളിക്കുമ്പോഴും അനാവശ്യ റിസ്ക് എടുക്കാതിരിക്കാൻ അനുഭവസമ്പത്തുള്ള താരമെന്ന നിലയിൽ ശ്രദ്ധിക്കും'. കോഹ്ലി കൂട്ടിച്ചേർത്തു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
