വട്ടിയൂർക്കാവ് മതി, സ്ഥിരം പരീക്ഷണ വസ്തുവാകാനില്ല! നിയമസഭാ തെരഞ്ഞെടുപ്പിൽ മത്സരിക്കാൻ താത്പര്യമുണ്ടെന്ന് കെ മുരളീധരൻ

AUGUST 20, 2025, 2:01 AM

തിരുവനന്തപുരം: നിയമസഭാ തെരഞ്ഞെടുപ്പിൽ വട്ടിയൂർക്കാവ് മണ്ഡലത്തിൽ മത്സരിക്കാൻ താത്പര്യമുണ്ടെന്ന് കെ മുരളീധരൻ.

ജില്ല വിട്ടുപോയി മത്സരിക്കാൻ താല്പര്യമില്ല, വട്ടിയൂർക്കാവ് ഇക്കുറി തിരിച്ചുപിടിക്കാൻ കഴിയുമെന്നും കെ മുരളീധരൻ വ്യക്തമാക്കി.

വട്ടിയൂർക്കാവിൽ നിന്ന് മാറ്റിനിർത്തി തന്നെ ഒരു സ്ഥിരം പരീക്ഷണ വസ്തുവാക്കുന്നതിനുള്ള ചർച്ച അവസാനിപ്പിക്കണം എന്നും അദ്ദേഹം കൂട്ടിച്ചേർത്തു.

ലോക്സഭാ തെരഞ്ഞെടുപ്പിനു ശേഷം വട്ടിയൂർക്കാവിൽ സജീവമായി തന്നെയുണ്ട്. സഹോദരി പത്മജ വേണുഗോപാൽ സ്ഥാനാർത്ഥി ആയാൽ പോലും മത്സരം ഒരിഞ്ചുപോലും കടുക്കില്ലെന്നും കെ മുരളീധരൻ പറഞ്ഞുവയ്ക്കുന്നു.

എംപിമാർ മത്സര സന്നദ്ധർ ആണല്ലോ എന്നുള്ള ചോദ്യത്തിന് കോൺഗ്രസിൽ മത്സരിക്കാൻ കഴിവുമുള്ള ഒരുപാട് പേരുണ്ട്. അതുകൊണ്ട് അവർക്കും അവസരം കൊടുക്കണമെന്നായിരുന്നു മറുപടി.