-20240322074537.jpg)
ചെന്നൈ: തമിഴ്നാട്ടില് കെ പൊന്മുടിയെ മന്ത്രിയായി സത്യപ്രതിജ്ഞ ചെയ്യാന് ക്ഷണിച്ച് ഗവര്ണര്. ഉച്ചകഴിഞ്ഞ് 3.30 ന് രാജ്ഭവനില് വെച്ചാണ് സത്യപ്രതിജ്ഞ.
സുപ്രീംകോടതി അന്ത്യശാസനം നല്കിയതോടെയാണ് തമിഴ്നാട് ഗവര്ണര് ആര് എന് രവി വഴങ്ങിയത്. പൊന്മുടിയെ മന്ത്രിസഭയില് തിരിച്ചെടുക്കുന്നതില് ഇന്നു വൈകുന്നേരത്തിനുള്ളില് തീരുമാനമെടുക്കണമെന്നാണ് ചീഫ് ജസ്റ്റിസ് ഡി വൈ ചന്ദ്രചൂഡ് തമിഴ്നാട് ഗവര്ണര്ക്ക് അന്ത്യശാസനം നല്കിയത്.
ഗവര്ണര് തീരുമാനമെടുത്തില്ലെങ്കില് സുപ്രീംകോടതി ഉത്തരവ് പുറപ്പെടുവിക്കുമെന്നും ചീഫ് ജസ്റ്റിസ് വ്യക്തമാക്കിയിരുന്നു. പൊൻമുടിയെ മന്ത്രിയാക്കാനും മന്ത്രിമാരുടെ വകുപ്പ് മാറ്റാനും ഗവർണർ അനുമതി നൽകണമെന്നാവശ്യപ്പെട്ട് തമിഴ്നാട് സർക്കാർ സുപ്രീം കോടതിയെ സമീപിച്ചിരുന്നു.
പൊൻമുടിയെ മന്ത്രിയായി സത്യപ്രതിജ്ഞ ചെയ്യുന്നതിനെതിരായ ഗവർണറുടെ നിലപാടിനെ സുപ്രീം കോടതി രൂക്ഷമായി വിമർശിച്ചിരുന്നു. കോടതി സ്റ്റേ ചെയ്ത നടപടിയില് മറ്റൊന്ന് തീരുമാനിക്കാന് ഗവര്ണര്ക്ക് എന്താണ് അധികാരമെന്നും ഗവര്ണര് എന്താണ് ചെയ്യുന്നതെന്നും ചീഫ് ജസ്റ്റിസ് ഡി വൈ ചന്ദചൂഢ് ചോദിച്ചു.
ഗവര്ണറുടെ നടപടി ഗൗരവമായി കാണുമെന്നും ചീഫ് ജസ്റ്റിസ് വ്യക്തമാക്കി. ചീഫ് ജസ്റ്റിസ് ഡി വൈ ചന്ദചൂഢ്, ജസ്റ്റിസ് ജെ ബി പാര്ദിവാല, ജസ്റ്റിസ് മനോജ് മിശ്ര എന്നിവരടങ്ങിയ ബഞ്ചാണ് തമിഴ്നാട് സര്ക്കാര് നല്കിയ ഹര്ജി പരിഗണിച്ചത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20250815021811.jpg)
-20260317124741.jpg)
