കർണാടകയിൽ 3 രാജ്യസഭാ സീറ്റിൽ കോൺഗ്രസിന് വിജയം; ബിജെപിക്ക് തിരിച്ചടി

FEBRUARY 27, 2024, 7:42 PM

ബെംഗളുരു: കർണാടകയിൽ 3 രാജ്യസഭാ സീറ്റിൽ കോൺഗ്രസിന് വിജയം .അജയ് മാക്കൻ, സയ്യിദ് നസീർ ഹുസൈൻ, ജി സി ചന്ദ്രശേഖർ എന്നീ മൂന്ന് കോൺഗ്രസ് സ്ഥാനാർഥികൾ വിജയിച്ചു.

ബി ജെ പി - ജെ ഡി എസ് സഖ്യത്തിൽ നാരായൺസ ഭണ്ഡാഗെയ്ക്ക് മാത്രമേ വിജയിക്കാനായുള്ളൂ. ജെ ഡി എസ്സിൽ നിന്നുള്ള എൻ ഡി എ സ്ഥാനാർഥി ഡി കുപേന്ദ്രറെഡ്ഡി തോറ്റു.

അതിനിടെ, രണ്ട് ബിജെപി എംഎൽഎമാർ കോൺഗ്രസിന് അനുകൂലമായി കൂറുമാറിയത് ബിജെപി-ജെഡിഎസ് സഖ്യത്തിന് കനത്ത തിരിച്ചടിയായി.

യശ്വന്ത് പുര എംഎൽഎ എസ്ടി സോമശേഖർ കോൺഗ്രസിന് ക്രോസ് വോട്ട് ചെയ്തു. യെല്ലപ്പൂർ എംഎൽഎ ശിവറാം ഹെബ്ബാർ വോട്ടെടുപ്പിൽ എത്തിയില്ല. വിപ്പ് ലംഘിച്ചതിന് ഈ രണ്ട് എംഎൽഎമാർക്കെതിരെ നടപടിയെടുക്കാനാണ് ബിജെപി ആലോചിക്കുന്നത്.

ഓരോ സ്ഥാനാർത്ഥിക്കും വിജയിക്കാൻ 45 വോട്ടുകൾ വേണമായിരുന്നു. കുതന്ത്രങ്ങൾക്ക് മേൽ ജനാധിപത്യം വിജയിച്ചെന്നായിരുന്നു ഉപമുഖ്യമന്ത്രി ഡികെ ശിവകുമാറിൻ്റെ പ്രതികരണം.