-20220214041205.jpg)
മാഹി: ബി.ജെ.പി നേതാവ് പി.സി ജോര്ജിനെതിരെ വിവിധ വകുപ്പുകളില് മാഹി പൊലീസ് കേസെടുത്തു. മയ്യഴിയിലെ സ്ത്രീ സമൂഹത്തെയടക്കം അപമാനിക്കുന്ന പ്രസ്താവന നടത്തിയെന്ന പരാതിയിലാണ് നടപടി. മതം, വംശം, ജന്മസ്ഥലം, വാസസ്ഥലം, ഭാഷ മുതലായവയുടെ അടിസ്ഥാനത്തില് വ്യത്യസ്ത വിഭാഗങ്ങള്ക്കിടയില് ശത്രുത വളര്ത്തുന്നതിനെതിരെയുള്ള 153 എ, 67 ഐ.ടി ആക്ട്, 125 ആര്.പി ആക്ട് എന്നിവ അനുസരിച്ചാണ് കേസ്.
സി.പി.എം മാഹി ലോക്കല് സെക്രട്ടറി കെ.പി സുനില്കുമാര് ഉള്പ്പെടെ മാഹിയിലെ വിവിധ രാഷ്ട്രീയ കക്ഷികളും സംഘടനകളും നല്കിയ പരാതിയെത്തുടര്ന്നാണ് കേസെടുത്തത്.
കോഴിക്കോട് എന്.ഡി.എ സ്ഥാനാര്ഥി എം.ടി. രമേശിന്റെ തിരഞ്ഞെടുപ്പ് കണ്വെന്ഷന് ഉദ്ഘാടനം ചെയ്യുമ്പോഴായിരുന്നു പി.സി ജോര്ജിന്റെ വിവാദ പരാമര്ശം. മാഹി വേശ്യകളുടെ കേന്ദ്രമായിരുന്നുവെന്നും ഗുണ്ടകളും റൗഡികളും കൂത്താടിയിരുന്ന സ്ഥലമായിരുന്നുവെന്നുമാണ് പി.സി ജോര്ജ് പറഞ്ഞത്.
'കോഴിക്കോട്-കണ്ണൂര് റോഡിലെ മയ്യഴി 14 വര്ഷമായി വേശ്യകളുടെ കേന്ദ്രമായിരുന്നു. റോഡിലൂടെ പോകാന് കഴിയുമോ. ഗുണ്ടകളും റൗഡികളും തെമ്മാടികളും കൂത്താടിയ പ്രദേശമായിരുന്നു അത്. ഇപ്പോള് മാഹിയിലെ റോഡുകള് മോദി സുന്ദരമാക്കി മാറ്റി' - എന്നായിരുന്നു പി.സി ജോര്ജിന്റെ പ്രസ്താവന.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
1-20260302032542.jpg)
-20201011031017.jpg)
-20260314050332.jfif)
