തിരുവനന്തപുരം: കെഎസ്ആർടിസി ബസുകളിൽ ഒരു ദിവസം യാത്ര ചെയ്യുന്ന വനിതാ യാത്രക്കാരുടെ കണക്ക് വിവരങ്ങൾ പുറത്ത്.സൗജന്യ യാത്ര അനുവദിക്കുന്ന പശ്ചാത്തലത്തിലാണ് സ്ത്രീ യാത്രക്കാരുടെ കണക്കെടുത്തത്.
തിങ്കൾ മുതൽ ഇന്നലെ വരെ ശരാശരി 40, 43,769 പേരാണ് കെഎസ്ആർടിസി ബസിൽ യാത്ര ചെയ്തത്. 27,96,588 സ്ത്രീകൾ ഓർഡിനറി ബസുകളിൽ യാത്ര ചെയ്തു. ഒരു ദിവസത്തെ ആവറേജ് കണക്ക് 6,99,147 ആണ്.
ജൂൺ 15 മുതലാണ് സ്ത്രീ യാത്രക്കാർക്ക് ഓഡിനറി ബസുകളിൽ സൗജന്യ യാത്ര അനുവദിക്കുക. രാവിലെ 8.30ന് തമ്പാനൂർ ബസ്റ്റാൻഡിൽ മുഖ്യമന്ത്രി വി.ഡി. സതീശൻ യാത്ര ഉദ്ഘാടനം ചെയ്യുമെന്ന് ഗതാഗതമന്ത്രി സി.പി. ജോൺ പറഞ്ഞു.
അതേസമയം, സൗജന്യ യാത്ര ഗുണം ചെയ്യുക തെക്കൻ ജില്ലകാർക്കാവുമെന്നാണ് വിവരം. മലബാർ മേഖലയിൽ ഓർഡിനറി ബസുകൾ തീരെ കുറവാണ്. ഏറ്റവും കുറവ് ഓർഡിനറി ബസുകൾ സർവീസ് നടത്തുന്നത് മലപ്പുറം ജില്ലയിലാണ്. മലപ്പുറം ജില്ലയിൽ ആകെ 98 ഓർഡിനറി ബസുകൾ മാത്രമാണ് ഉള്ളത്.കാസർകോട് ജില്ലയിൽ സർവീസ് നടത്തുന്നത് 128 ഓർഡിനറി ബസുകളാണെന്നും റിപ്പോർട്ടുണ്ട്. പാലക്കാട് 156 ഓർഡിനറി ബസുകളുമാണ് സർവീസ് നടത്തുന്നത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260612094728.jpg)
-20260612093046.jpg)
1-20260612072449.jpg)
