അതി വേഗ റെയിൽ പദ്ധതിയുമായി ബന്ധപ്പെട്ട ആദ്യ യോഗം; മലപ്പുറത്ത് ആളില്ലാതെ പരിപാടി പരാജയമായി

MARCH 9, 2026, 3:15 AM

മലപ്പുറം: സംസ്ഥാനത്ത് നിർദേശിച്ചിരിക്കുന്ന അതിവേഗ റെയിൽ പദ്ധതിയെക്കുറിച്ച് വിശദീകരിക്കാൻ മെട്രോമാൻ ഇ ശ്രീധരൻ മലപ്പുറത്ത് വിളിച്ച ആദ്യ യോഗം ആളില്ലാതെ പൊളിഞ്ഞു. അമ്പതിൽ താഴെ ആളുകൾ മാത്രമാണ് പരിപാടിയിൽ പങ്കെടുത്തത് എന്നാണ് ലഭിക്കുന്ന വിവരം.

ജില്ലാ കളക്ടർ, ജില്ലാ പോലീസ് മേധാവി, ജില്ലാ പഞ്ചായത്ത് പ്രസിഡന്റ് എന്നിവരടക്കമുള്ളവർ യോഗത്തിൽ എത്തിയില്ല. ഇവരെ പരിപാടിയിലേക്ക് ക്ഷണിച്ചിരുന്നുവെന്നും കൂടുതൽ ആളുകളെ പ്രതീക്ഷിച്ചിരുന്നുവെന്നും ഇ. ശ്രീധരൻ പറഞ്ഞു.

പദ്ധതിയെക്കുറിച്ച് വിശദീകരിക്കാൻ റെയിൽപാത കടന്നുപോകുന്ന എല്ലാ ജില്ലകളിലും പ്രത്യേക യോഗങ്ങൾ സംഘടിപ്പിക്കാനായിരുന്നു തീരുമാനം. അതിന്റെ ഭാഗമായാണ് ഇന്ന് മലപ്പുറം കെ.എസ്.ആർ.ടി.സി സ്റ്റാൻഡിന് സമീപമുള്ള ഹാളിൽ ആദ്യ യോഗം വിളിച്ചത്.