തൃശൂര്: തൃശൂരിന്റെ വികസനത്തിൽ ജനങ്ങൾക്ക് ആവശ്യമുള്ളതിനാണ് മുൻഗണനയെന്ന് കേന്ദ്ര മന്ത്രി സുരേഷ് ഗോപി . തൃശൂര് പ്രസ് ക്ലബില് മീറ്റ് ദ പ്രസില് സംസാരിക്കുകയായിരുന്നു സുരേഷ് ഗോപി.
സ്പിരിച്വല് ടൂറിസം സര്ക്യൂട്ട് പദ്ധതിയും മനസിലുണ്ട്. നാഗപട്ടണം-വേളാങ്കണ്ണി-ദിണ്ടിഗല് ക്ഷേത്രം-ഭരണങ്ങാനം-മംഗളാദേവി-മലയാറ്റൂര്-കാലടി-കൊടുങ്ങല്ലൂര്-തൃശൂര് ലൂര്ദ് പള്ളി തുടങ്ങിയവ ബന്ധിപ്പിച്ചുകൊണ്ടുള്ള സ്വിരിച്ച്വല് ടൂറിസം പദ്ധതി നടപ്പാക്കാനാണ് ആലോചിക്കുന്നത്.
തൃശൂര്-കുറ്റിപ്പുറം പാത വൈകുന്നതിന്റെ കാരണം കോണ്ട്രാക്ടര്മാരോടാണ് ചോദിക്കേണ്ടതെന്നും തന്നെ ഏല്പ്പിച്ച ജോലി തന്റെ അച്ഛനും അമ്മയ്ക്കും വരെ തൃപ്തികരമായ രീതിയില് നിര്വഹിക്കുമെന്നും സുരേഷ് ഗോപി പറഞ്ഞു.
നിംസ് സ്ഥാപിക്കുന്നതിന് മനുഷ്യ നിര്മിത തടസങ്ങളാണുള്ളത്. അത് നീക്കി വരുകയാണ്. തൃശൂരിലേക്ക് മെട്രോ നീട്ടുന്നത് അനിവാര്യമല്ല എന്ന് തന്നെ ധരിപ്പിച്ചാല് അതില് നിന്നും പിന്മാറാം. തൃശൂര് നഗരം തൊടാതെയുള്ള മണ്ണുത്തി-കുന്നംകുളം എലവേറ്റഡ് പദ്ധതി മനസിലുണ്ട്. ഒരാളെയും ദ്രോഹിക്കാതെ പദ്ധതി നടപ്പാക്കും- സുരേഷ് ഗോപി പറഞ്ഞു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്