ഓപ്പറേഷൻ തൂഫാനിൽ ഇന്ന് നടന്നത് വ്യാപക തിരച്ചിൽ: അറസ്റ്റിലായത് 137 പേർ

JUNE 3, 2026, 10:49 AM

തിരുവനന്തപുരം: ലഹരിവ്യാപനത്തിനെതിരായ സംസ്ഥാന സർക്കാരിന്റെ ഓപ്പറേഷൻ തൂഫാനിൽ ഇന്ന് നടന്നത് വ്യാപക തിരച്ചിൽ. 137 പേരാണ് അറസ്റ്റിലായത്.

അന്തർ സംസ്ഥാന തലത്തിലും നടപടികളുണ്ടാകുമെന്നും അയൽ സംസ്ഥാനങ്ങളുമായി ചർച്ച നടത്തുമെന്നും സംസ്ഥാന പൊലീസ് മേധാവി റവാഡ ചന്ദ്രശേഖർ പറഞ്ഞു.

104 കേസുകൾ രജിസ്റ്റർ ചെയ്തു. 500 ഗ്രാം എംഡിഎംഎ പിടിക്കാൻ കഴിഞ്ഞു. കൊച്ചി, മലപ്പുറം, കോഴിക്കോട് ജില്ലകളിൽ നിന്ന് വാണിജ്യ അളവിലാണ് ലഹരി പിടിച്ചത്.

പലപ്പോഴും പ്രധാന കണ്ണികളെ പിടികൂടാൻ ബുദ്ധിമുട്ട് നേരിടുന്നുണ്ട്. ഇത്തവണ അത്തരം പ്രശ്‌നങ്ങൾ പരിഹരിച്ച് മുന്നോട്ടുപോകാൻ കഴിയും എന്നാണ് പ്രതീക്ഷ.

എംഡിഎംഎ പ്രധാനമായും എത്തുന്നത് ബാംഗ്ലൂരിൽ നിന്നാണ്. നിലവിൽ പിടിച്ചെടുത്ത എംഡിഎംഎ തന്നെ 30 ലക്ഷം രൂപയോളം മാർക്കറ്റ് വില ഉളളതാണ്' റവാഡ ചന്ദ്രശേഖർ പറഞ്ഞു.