-20260130064557.jpg)
കാസർകോട്: കാസർകോട് നെല്ലിക്കുന്ന് തീരത്ത് തലയില്ലാത്ത നിലയിൽ കണ്ടെത്തിയ പുരുഷന്റെ മൃതദേഹവുമായി ബന്ധപ്പെട്ട ദുരൂഹതകൾ തുടരുന്നു. മൃതദേഹം മുമ്പ് മറ്റൊരിടത്ത് പോസ്റ്റ്മോർട്ടം നടത്തിയതാണെന്ന് പൊലീസ് അന്വേഷണത്തിൽ വ്യക്തമായി.
കടലിൽ ഒഴുകിയെത്തി കരയ്ക്കടിഞ്ഞ മൃതദേഹത്തിന്റെ നെഞ്ചിലും വയറിലും കണ്ട മുറിവുകൾ കൊലപാതകവുമായി ബന്ധപ്പെട്ടതല്ലെന്നും, മുൻപ് നടത്തിയ പോസ്റ്റ്മോർട്ടത്തിന്റെ ഭാഗമായി ഉണ്ടായ ശസ്ത്രക്രിയാ മുറിവുകളാണെന്നും വിദഗ്ധ പരിശോധനയിൽ കണ്ടെത്തി.
മത്സ്യത്തൊഴിലാളികളാണ് നെല്ലിക്കുന്ന് തീരത്ത് മൃതദേഹം ആദ്യം കണ്ടെത്തിയത്. തുടർന്ന് കോസ്റ്റൽ പൊലീസിനും ടൗൺ പൊലീസിനും വിവരം കൈമാറുകയായിരുന്നു. മൃതദേഹത്തിലെ വലിയ മുറിവുകൾ കണ്ടതോടെ ആദ്യം ദുരൂഹ മരണസാധ്യതകൾ ഉയർന്നിരുന്നെങ്കിലും, കണ്ണൂർ പരിയാരം മെഡിക്കൽ കോളജിൽ നടത്തിയ വിശദമായ പോസ്റ്റ്മോർട്ടത്തിലാണ് മൃതദേഹം ഇതിനുമുമ്പ് ശാസ്ത്രീയ പരിശോധനയ്ക്ക് വിധേയമായിരുന്നുവെന്ന് സ്ഥിരീകരിച്ചത്.
ഈ പോസ്റ്റ്മോർട്ടം കേരളത്തിലെ ആശുപത്രിയിലല്ല നടന്നതെന്നാണ് അന്വേഷണ സംഘത്തിന്റെ പ്രാഥമിക നിഗമനം. കർണാടകയിലോ ഗോവയിലോ ഉൾപ്പെടെയുള്ള സമീപ സംസ്ഥാനങ്ങളിലെ തീരപ്രദേശങ്ങളിൽ നിന്ന് കടൽ ഒഴുക്കിൽപ്പെട്ട് മൃതദേഹം കാസർകോട് തീരത്തെത്തിയിരിക്കാമെന്നാണ് പൊലീസ് സംശയിക്കുന്നത്.
മൃതദേഹം പൂർണമായും അഴുകിയ നിലയിലായിരുന്നുവെന്നും, മരണം സംഭവിച്ച് ഒരു മാസത്തിലധികം കഴിഞ്ഞിരിക്കാമെന്നുമാണ് ഫോറൻസിക് വിദഗ്ധരുടെ വിലയിരുത്തൽ. തലയും കൈപ്പത്തികളും വേർപെട്ട നിലയിലാണ് മൃതദേഹം കണ്ടെത്തിയത്.
മരിച്ചയാളെ ഇതുവരെ തിരിച്ചറിയാൻ കഴിഞ്ഞിട്ടില്ല. ഇതിന്റെ ഭാഗമായി കർണാടക, മംഗളൂരു ഉൾപ്പെടെയുള്ള തീരദേശ പൊലീസ് സ്റ്റേഷനുകളിലെ കാണാതായവരുടെ വിവരങ്ങൾ കാസർകോട് പൊലീസ് പരിശോധിച്ചുവരികയാണ്.
തിരിച്ചറിയൽ നടപടികൾ വേഗത്തിലാക്കുന്നതിനായി മൃതദേഹത്തിൽ നിന്ന് ജൈവസാമ്പിളുകൾ ശേഖരിച്ച് ഡിഎൻഎ പരിശോധനയ്ക്ക് അയയ്ക്കും. ലഭിക്കുന്ന ഫലങ്ങൾ മറ്റ് കാണാതായവരുടെ രേഖകളുമായി താരതമ്യം ചെയ്ത് അന്വേഷണം കൂടുതൽ വ്യാപിപ്പിക്കുമെന്ന് കാസർകോട് ടൗൺ പൊലീസ് അറിയിച്ചു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20250508030843.jpg)
-20260716052642.jpg)
1-20260716045714.jpg)
