കോട്ടയം: ചങ്ങനാശ്ശേരിയിലെ സർക്കാർ എൽ.പി. സ്കൂളിൽ പ്രവർത്തിക്കുന്ന ദുരിതാശ്വാസ ക്യാമ്പിൽ ഭക്ഷണം ലഭിച്ചില്ലെന്ന് ദുരിതബാധിതരുടെ പരാതി. രാവിലെ മുതൽ ഭക്ഷണം വിതരണം ചെയ്തില്ലെന്നും ഉച്ചഭക്ഷണത്തിനായി സമീപത്തെ മറ്റൊരു ക്യാമ്പിലേക്ക് പോകാൻ വാർഡ് മെമ്പർ നിർദേശിച്ചതായും ക്യാമ്പിലുള്ളവർ മാധ്യമങ്ങളോട് പറഞ്ഞു.
പായിപ്പാട് ഒന്നാം വാർഡിൽ നിന്നുള്ള ഏകദേശം 150 പേരാണ് ക്യാമ്പിൽ കഴിയുന്നത്. ആവശ്യമായ സൗകര്യങ്ങളോ അധികൃതരുടെ ഇടപെടലോ ലഭിക്കുന്നില്ലെന്നും അവർ ആരോപിച്ചു. രാവിലെ പാചകത്തിനായി ഗ്യാസ് സിലിണ്ടർ നൽകിയെങ്കിലും പിന്നീട് അത് തിരികെ കൊണ്ടുപോയതായും ദുരിതബാധിതർ പറഞ്ഞു.
ക്യാമ്പിൽ കുടിവെള്ളം മാത്രമാണ് ലഭിച്ചതെന്നും കുട്ടികൾക്ക് ഭക്ഷണം വാങ്ങിക്കൊടുക്കാൻ കൈവശമുണ്ടായിരുന്ന പണം ഉപയോഗിക്കേണ്ടിവന്നതായും താമസക്കാർ പറഞ്ഞു. ഭക്ഷ്യസാധനങ്ങൾ ലഭ്യമാക്കിയാൽ തങ്ങൾ തന്നെ പാചകം ചെയ്ത് കഴിക്കാമെന്നും അവർ ആവശ്യപ്പെട്ടു.
സംഭവം വാർത്തയാക്കിയതിനെ തുടർന്ന് കേരള നിയമസഭാ സ്പീക്കർ തിരുവഞ്ചൂർ രാധാകൃഷ്ണൻ വിഷയത്തിൽ ഇടപെട്ടു. ക്യാമ്പിൽ ഭക്ഷണം ലഭിക്കാത്ത സാഹചര്യം പരിശോധിക്കുമെന്നും ആവശ്യമായ നടപടികൾ ഉടൻ സ്വീകരിക്കുമെന്നും അദ്ദേഹം അറിയിച്ചു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
1-20260805093523.jpg)
1-20260803034021.jpg)
-20260520011403.jpg)
-20260805060808.jpg)
