മുല്ലപ്പെരിയാർ സുരക്ഷാ സമിതി: കേരളത്തിന്റെ പ്രതിനിധിയെ ഉടൻ നിശ്ചയിക്കും; കേന്ദ്രം നിലപാട് തിരുത്തുമെന്ന് മന്ത്രി മോൻസ് ജോസഫ്

JUNE 26, 2026, 3:27 AM

കോട്ടയം: മുല്ലപ്പെരിയാർ സുരക്ഷാ സമിതിയിൽ നിന്ന് കേരളത്തിന്റെ പ്രതിനിധിയെ ഒഴിവാക്കിയ നടപടിയിൽ കേന്ദ്രം നിലപാട് പുനഃപരിശോധിക്കുകയാണെന്ന് ജലവിഭവ വകുപ്പ് മന്ത്രി മോൻസ് ജോസഫ്. സംസ്ഥാനത്തിന്റെ എതിർപ്പ് കേന്ദ്രസർക്കാരിനെ അറിയിച്ചിരുന്നുവെന്നും അദ്ദേഹം പറഞ്ഞു.

കേരളത്തിന്റെ ആവശ്യം കേന്ദ്രം പരിഗണിച്ചിട്ടുണ്ടെന്നും, സമിതിയിലേക്ക് സംസ്ഥാനത്തിന്റെ പ്രതിനിധിയെ നിർദേശിക്കാൻ രേഖാമൂലം ആവശ്യപ്പെട്ടിട്ടുണ്ടെന്നും മന്ത്രി വ്യക്തമാക്കി.

മുഖ്യമന്ത്രിയുമായി ചർച്ച നടത്തിയ ശേഷം കേരളത്തിന്റെ പ്രതിനിധിയെ എത്രയും വേഗം തീരുമാനിച്ച് കേന്ദ്രത്തിന് കൈമാറുമെന്നും മോൻസ് ജോസഫ് അറിയിച്ചു.

അതേസമയം മുല്ലപ്പെരിയാർ സുരക്ഷാ സമിതിയിൽ നിന്ന് കേരളത്തിന്റെ പ്രതിനിധിയെ ഒഴിവാക്കിയ നടപടി വിവാദമായിരുന്നു. ഇതിന് പിന്നാലെയാണ് സംസ്ഥാനത്തിന്റെ പ്രതിഷേധവും കേന്ദ്രത്തിന്റെ വിശദീകരണവും ഉണ്ടായത്. ഇപ്പോൾ പ്രതിനിധിയെ വീണ്ടും ഉൾപ്പെടുത്തുന്നതിനുള്ള നടപടികളാണ് പുരോഗമിക്കുന്നതെന്ന് മന്ത്രി വ്യക്തമാക്കി.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്