തിരുവനന്തപുരം: സംസ്ഥാനത്ത് വരും ദിവസങ്ങളില് ഒറ്റപ്പെട്ട കനത്ത മഴ തുടരുമെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. തെക്കുപടിഞ്ഞാറന് കാലവര്ഷം നിശ്ചിത സമയത്തിനും മുന്പേ നാളെ (മേയ് 26) കേരള തീരത്ത് എത്തിച്ചേരുമെന്നാണ് പ്രവചനം. വ്യാഴാഴ്ച വരെ സംസ്ഥാനത്തെ വിവിധ ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്.
ഇന്ന് പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്, മലപ്പുറം, കോഴിക്കോട്, കണ്ണൂര്, കാസര്കോട് എന്നി ജില്ലകളില് യെല്ലോ അലര്ട്ടാണ്. ചൊവ്വാഴ്ച തിരുവനന്തപുരം, കൊല്ലം, ആലപ്പുഴ, എറണാകുളം ഉള്പ്പെടെയുള്ള തെക്കന്-മധ്യ കേരളത്തിലെ ജില്ലകളില് പ്രത്യേക ജാഗ്രതയുടെ ഭാഗമായി യെല്ലോ അലര്ട്ട് പ്രഖ്യാപിച്ചിട്ടുണ്ട്.
മത്സ്യത്തൊഴിലാളികള്ക്കുള്ള ജാഗ്രതാനിര്ദേശം:
വ്യാഴാഴ്ച വരെ കേരള, കര്ണാടക, ലക്ഷദ്വീപ് തീരങ്ങളില് മോശം കാലാവസ്ഥയ്ക്കും മണിക്കൂറില് 40 മുതല് 60 കിലോമീറ്റര് വരെ വേഗതയുള്ള ശക്തമായ കാറ്റിനും സാധ്യതയുണ്ട്. അതിനാല് ഈ ദിവസങ്ങളില് ഒരു കാരണവശാലും കടലില് മീന്പിടിത്തത്തിന് പോകരുത്.
പടിഞ്ഞാറന് കാറ്റ് ശക്തമാകുന്നതും അറബിക്കടലിലെ അന്തരീക്ഷ വ്യതിയാനങ്ങളുമാണ് കാലവര്ഷത്തിന്റെ നേരത്തെയുള്ള വരവിന് അനുകൂല സാഹചര്യം ഒരുക്കുന്നത്. വരും ദിവസങ്ങളില് മലയോര മേഖലകളിലും തീരപ്രദേശങ്ങളിലും താമസിക്കുന്നവര് ജാഗ്രത പാലിക്കണമെന്ന് ദുരന്തനിവാരണ അതോറിറ്റി അറിയിച്ചു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
