ചെന്നൈ: തിയേറ്റര് ഉടമകളും നിര്മാതാക്കളും തമ്മിലുള്ള തര്ക്കം രൂക്ഷമായതിനെത്തുടര്ന്ന് സെപ്റ്റംബര് ഒന്നു മുതല് തമിഴ്നാട്ടില് സിനിമാ സമരം ആരംഭിക്കുന്നു. പുതിയ ചിത്രങ്ങളുടെ റിലീസ് തടയുന്നതിനൊപ്പം സിനിമകളുടെ ചിത്രീകരണവും പോസ്റ്റ്-പ്രൊഡക്ഷന് ജോലികളും പൂര്ണ്ണമായി നിര്ത്തിവെക്കാന് തമിഴ് ഫിലിം പ്രൊഡ്യൂസേഴ്സ് കൗണ്സിലും തമിഴ്നാട് ആക്റ്റീവ് പ്രൊഡ്യൂസേഴ്സ് അസോസിയേഷനും സംയുക്തമായി തീരുമാനിച്ചു. തിയേറ്റര് ഉടമകളുടെയും വിതരണക്കാരുടെയും ഏകപക്ഷീയമായ ചില പുതിയ നിബന്ധനകളാണ് കോടികള് നിക്ഷേപിച്ചിട്ടുള്ള സിനിമാ മേഖലയെ വന് പ്രതിസന്ധിയിലേക്ക് തള്ളിവിട്ടിരിക്കുന്നത്.
തിയേറ്ററുകളില് റിലീസ് ചെയ്യുന്ന സിനിമകള് എട്ടാഴ്ചകള്ക്ക് ശേഷമേ ഒടിടി പ്ലാറ്റ്ഫോമുകളില് നല്കാവൂ എന്നും, സിനിമകള്ക്ക് മുന്കൂര് പണം നല്കില്ലെന്നുമുള്ള തിയേറ്റര് ഉടമകളുടെ നിര്ബന്ധമാണ് തര്ക്കത്തിന് പ്രധാന കാരണം. നിര്മാതാക്കളുടെ സംഘടനകളുമായി യാതൊരുവിധ ചര്ച്ചകളും നടത്താതെ തിയേറ്റര് ഉടമകള് എടുത്ത ഈ നിലപാടുകള് അംഗീകരിക്കാന് കഴിയില്ലെന്ന് പ്രൊഡ്യൂസേഴ്സ് കൗണ്സില് വ്യക്തമാക്കുന്നു. ഈ സമരം ചലച്ചിത്ര മേഖലയിലെ ആയിരക്കണക്കിന് തൊഴിലാളികളുടെ ഉപജീവനമാര്ഗ്ഗത്തെ ഗുരുതരമായി ബാധിക്കുമെന്നതിനാല് പ്രശ്നത്തില് തമിഴ്നാട് സര്ക്കാര് അടിയന്തരമായി ഇടപെടണമെന്ന് സംഘടനകള് അഭ്യര്ത്ഥിച്ചിട്ടുണ്ട്.
ഈ വന് പ്രതിസന്ധി തമിഴ് ചലച്ചിത്ര ലോകത്തെ റിലീസ് കലണ്ടറിനെ പൂര്ണ്ണമായി താളംതെറ്റിച്ചിരിക്കുകയാണ്. സെപ്റ്റംബര് ആദ്യവാരം റിലീസ് ചെയ്യാനിരുന്ന കാര്ത്തിയുടെ സര്ദാര് 2, ജി.വി പ്രകാശ് കുമാറിന്റെ ഇമ്മോര്ട്ടല്, സൂരി നായകനാകുന്ന മന്ദാടി, ഡിമോണ്ടെ കോളനി 3 തുടങ്ങിയ നിരവധി സിനിമകളുടെ റിലീസ് ഇതോടെ അനിശ്ചിതത്വത്തിലായി. തര്ക്കം നീണ്ടുപോവുകയാണെങ്കില് രജനികാന്തിന്റെ ജയിലര് 2, ധനുഷിന്റെ ഓം, വിജയ് സേതുപതിയുടെ ബത്ത, ജെയ്സണ് സഞ്ജയ് സംവിധാനം ചെയ്യുന്ന സിഗ്മ ഉള്പ്പെടെയുള്ള വന്കിട ബിഗ് ബജറ്റ് ചിത്രങ്ങളുടെ നിര്മ്മാണത്തെയും റിലീസിനെയും ഇത് ദോഷകരമായി ബാധിക്കും.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260823092903.jpg)
-(2)-20260823083428.jpg)
-20260823082918.jpg)
-20260718084707.jpg)
-20260823034606.jpg)
