കോഴിക്കോട്: കുറ്റ്യാടി നീലേച്ചുകുന്നിൽ യുവാവിനെയും യുവതിയെയും റോഡിൽ തടഞ്ഞുനിർത്തി ആൾക്കൂട്ടം പരസ്യവിചാരണ ചെയ്യുകയും ക്രൂരമായി മർദ്ദിക്കുകയും ചെയ്തു. ഇന്നലെ വൈകുന്നേരമാണ് നാടിനെ നടുക്കിയ സംഭവം അരങ്ങേറിയത്. പൊലീസിന്റെ സാന്നിധ്യത്തിലായിരുന്നു ആൾക്കൂട്ടം ഇരുവർക്കും നേരെ അക്രമം അഴിച്ചുവിട്ടത്. മർദ്ദനത്തിന്റെ ദൃശ്യങ്ങൾ ഇപ്പോൾ പുറത്തുവന്നിട്ടുണ്ട്.
കഴിഞ്ഞ വെള്ളിയാഴ്ച ഇവ സഞ്ചരിച്ച വാഹനം മറ്റൊരു കാറിൽ ഇടിച്ച് നിർത്താതെ പോയെന്ന് ആരോപിച്ചാണ് ഇന്നലെ നാട്ടുകാർ ഇവരെ തടഞ്ഞുവെച്ചത്. നാട്ടുകാരെ കൂടാതെ പൊലീസും ഈ കാറിനെ പിന്തുടരുന്നുണ്ടായിരുന്നു. തുടർന്ന് വാഹനം തടഞ്ഞതോടെ വലിയ ജനക്കൂട്ടം സ്ഥലത്ത് തടിച്ചുകൂടുകയും പൊലീസുകാർ നോക്കിനിൽക്കെ ഇരുവരെയും കൈയ്യേറ്റം ചെയ്യുകയുമായിരുന്നു.
പിടിയിലായ ഇരുവർക്കുമൊപ്പം ലഹരിമരുന്ന് ഉണ്ടെന്ന് ആരോപിച്ചായിരുന്നു നാട്ടുകാർ പരസ്യവിചാരണ നടത്തിയത്. എന്നാൽ നാട്ടുകാർ തടഞ്ഞുവെച്ച വാഹനത്തിൽ പൊലീസ് വ്യാപകമായി പരിശോധന നടത്തിയെങ്കിലും ലഹരിമരുന്നുകളൊന്നും കണ്ടെത്താൻ കഴിഞ്ഞിട്ടില്ലെന്ന് കുറ്റ്യാടി പൊലീസ് വ്യക്തമാക്കി.
അതേസമയം, കാർ ഓടിച്ചിരുന്ന യുവാവ് ഗുണ്ടാവിരുദ്ധ നിയമപ്രകാരം (KAAPA) മുൻപ് കേസുകളിൽ ഉൾപ്പെട്ടിട്ടുള്ള പ്രതിയാണെന്ന് പൊലീസ് സ്ഥിരീകരിച്ചിട്ടുണ്ട്. പൊലീസിന്റെ സാന്നിധ്യത്തിൽ നടന്ന ഈ ആൾക്കൂട്ട ആക്രമണവുമായി ബന്ധപ്പെട്ട് കണ്ടാലറിയാവുന്നവർക്കെതിരെ കേസെടുക്കാനുള്ള നടപടികൾ ആരംഭിച്ചതായി അധികൃതർ അറിയിച്ചു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
1-20260615093449.jpg)
1-20260618103115.jpg)
-(2)-20260618101150.jpg)
1-20260618101049.jpg)
-20260618100241.jpg)
1-20260618095300.jpg)
-20260618094655.jpg)
-20260428010909.webp)
-20260523091046.jpg)
-20260130064601.jpg)
-20260618064351.jpg)
