പി.എം 2 ആനയെ കാട്ടില്‍ തുറന്നുവിടുമോ? വനംമന്ത്രി പറയുന്നു

JANUARY 10, 2024, 8:41 AM

തിരുവനന്തപുരം: ബത്തേരിയില്‍ ഭീതിവിതച്ച പി.എം 2 ആനയെ കാട്ടില്‍ തുറന്നുവിടണമെന്ന വിദഗ്ധ സമിതിയുടെ ശുപാര്‍ശ അംഗീകരിക്കാനാകില്ലെന്ന് വനംമന്ത്രി.

തുറന്നുവിട്ടാലുണ്ടാകുന്ന പ്രത്യാഘാതം സമിതിയേയും കോടതിയേയും ബോധ്യപ്പെടുത്തും. കര്‍ഷകരുടെ ആശങ്കയ്ക്കാണ് സര്‍ക്കാര്‍ പ്രധാന്യം കല്‍പിക്കുന്നതെന്നും വനം മന്ത്രി പ്രതികരിച്ചു.

കഴിഞ്ഞ ജനുവരിയിലാണ് പിഎം 2 നെ മയക്കുവെടി വച്ച് പിടികൂടി മുത്തങ്ങ അനക്കൊട്ടിലിലെത്തിച്ചത്.

തമിഴ്നാട്ടില്‍ രണ്ടുപേരെ കൊല്ലുകയും അന്‍പതോളം വീടുകള്‍ തകര്‍ക്കുകയും ചെയ്ത പി.എം 2 140 കിലോമീറ്ററോളം സഞ്ചരിച്ചാണ് വയനാട്ടിലെത്തിയത്.

റേഡിയോ കോളര്‍ ഘടിപ്പിച്ച് അനുയോജ്യമായ വനമേഖല കണ്ടെത്തി പി.എം ടുവിനെ തുറന്നുവിടണമെന്നും നിരീക്ഷിക്കാന്‍ പ്രത്യേക സംഘത്തെ നിയോഗിക്കണമെന്നും വെറ്ററിനറി ഡോക്ടറുടെ സേവനം ഉറപ്പുവരുത്തണമെന്നുമാണ് വിദഗ്ധസമിതിയുടെ ശുപാര്‍ശ.