ന്യൂഡല്ഹി: മദ്യനയ അഴിമതി കേസില് ഡല്ഹി മുഖ്യമന്ത്രി അരവിന്ദ് കെജ്രിവാളിന്റെ ജുഡീഷ്യല് കസ്റ്റഡി കാലാവധി വീണ്ടും നീട്ടി ഡല്ഹി കോടതി. ഓഗസ്റ്റ് 20 വരെയാണ് ഡല്ഹി റോസ് അവന്യൂ കോടതി കാലാവധി നീട്ടിയത്. നിലവില് തിഹാര് ജയിലില് കഴിയുന്ന കെജ്രിവാളിനെ വീഡിയോ കോണ്ഫറന്സിലൂടെ കോടതിയില് ഹാജരാക്കുകയായിരുന്നു. ജുഡീഷ്യല് കസ്റ്റഡി നീട്ടണമെന്ന് ആവശ്യപ്പെട്ടുള്ള സിബിഐയുടെ അപേക്ഷ സ്വീകരിച്ച് പ്രത്യേക ജഡ്ജിയായ കാവേരി ബവേജയാണ് ഉത്തരവിട്ടത്.
2021-22 കാലത്ത് നടന്ന മദ്യനയവുമായി ബന്ധപ്പെട്ട് കള്ളപ്പണം വെളുപ്പിക്കല് കേസില് മാര്ച്ച് 21 നാണ് ഡല്ഹി മുഖ്യമന്ത്രി അരവിന്ദ് കെജ്രിവാളിനെ എന്ഫോഴ്സ്മെന്റ് ഡയറക്ടറേറ്റ് അറസ്റ്റ് ചെയ്യുന്നത്. ഇ.ഡി കസ്റ്റഡിയില് ഇരിക്കെ കഴിഞ്ഞ ജൂണ് 26 ന് സിബിഐ അറസ്റ്റ് ചെയ്യുകയും ജൂലൈ 29 ന് അദ്ദേഹത്തിനെതിരെ കുറ്റപത്രം സമര്പ്പിക്കുകയും ചെയ്തിരുന്നു.
ജൂലൈ 12 ന് ഇ.ഡി അറസ്റ്റ് ചോദ്യം ചെയ്തത് കെജ്രിവാള് സമര്പ്പിച്ച ഹര്ജിയില് അദ്ദേഹത്തിന് സുപ്രീം കോടതി ഇടക്കാല ജാമ്യം അനുവദിച്ചിരുന്നെങ്കിലും അഴിമതി നിരോധന നിയമപ്രകാരം സിബിഐ അറസ്റ്റ് ചെയ്തതിനാല് ജയിലില് തന്നെ തുടരുകയായിരുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്