എംപോക്‌സ് ഇന്ത്യയിലും; ആദ്യ കേസ് സ്ഥിരീകരിച്ച് കേന്ദ്ര ആരോഗ്യമന്ത്രാലയം

SEPTEMBER 9, 2024, 7:41 PM

ന്യൂഡല്‍ഹി: ഇന്ത്യയില്‍ ആദ്യമായി എംപോക്‌സ് റിപ്പോര്‍ട്ട് ചെയ്തതായി കേന്ദ്ര ആരോഗ്യമന്ത്രാലയം സ്ഥിരീകരിച്ചു. എംപോക്‌സ് വകഭേദമായ ക്ലെയഡ്-2( clade 2) ആണ് യുവാവില്‍ കണ്ടെത്തിയത്. ഇത് എംപോക്‌സിന്റെ പഴയ വകഭേദമാണ്.

നിലവില്‍ ലോകാരോഗ്യ സംഘടന ആരോഗ്യ അടിയന്തരാവസ്ഥ പ്രഖ്യാപിച്ചിരിക്കുന്ന വകഭേദം ക്ലെയഡ്-2 അല്ലെന്നും അധികൃതര്‍ വ്യക്തമാക്കി.

രോഗലക്ഷണങ്ങളുമായി ഐസോലേഷനില്‍ കഴിഞ്ഞിരുന്ന യുവാവിലാണ് എംപോക്‌സ് സ്ഥിരീകരിച്ചിരിക്കുന്നതെന്നാണ് റിപ്പോര്‍ട്ട്. വിദേശത്ത് നിന്നെത്തിയ ഇയാള്‍ ആശുപത്രിയിലാണ് നിരീക്ഷണത്തില്‍ കഴിഞ്ഞിരുന്നത്. തുടര്‍ന്ന് നടത്തിയ പരിശോധനയില്‍ പോസിറ്റീവാകുകയായിരുന്നു. യുവാവിന്റെ ആരോഗ്യനില തൃപ്തികരമാണെന്നും ആരോഗ്യമന്ത്രാലയം അറിയിച്ചു.