ഗ്രേറ്റ് നിക്കോബാര്‍ പദ്ധതി രാജ്യ സുരക്ഷയ്ക്ക് നിര്‍ണായകം; രാഹുല്‍ ഗാന്ധിയുടെ ആരോപണത്തിന് മറുപടിയുമായി കേന്ദ്രം

MAY 2, 2026, 9:11 PM

ന്യൂഡല്‍ഹി: ആന്റമാന്‍ നിക്കോബാര്‍ ദ്വീപില്‍ നടപ്പാക്കുന്ന ഗ്രേറ്റ് നിക്കോബാര്‍ മെഗാ പദ്ധതി രാജ്യ സുരക്ഷയ്ക്ക് നിര്‍ണായകമെന്ന് കേന്ദ്രം. കോണ്‍ഗ്രസ് നേതാവ് രാഹുല്‍ ഗാന്ധിയുടെ വിമര്‍ശനത്തിന് മറുപടിയുമായായാണ് കേന്ദ്രം രംഗത്തെത്തിയത്. പദ്ധതിയുടെ ഭാഗമായി തദ്ദേശീയ ആദിവാസി സമൂഹത്തെ കുടിയൊഴിപ്പിക്കില്ലെന്ന് കേന്ദ്ര വനം-പരിസ്ഥിതി മന്ത്രാലയം വ്യക്തമാക്കി.

വിശദമായ പാരിസ്ഥിതികാഘാത പഠനത്തിലൂടെ പരിസ്ഥിതി സംരക്ഷണം ഉറപ്പാക്കിയുള്ള പദ്ധതി രാജ്യ സുരക്ഷയ്ക്ക് നിര്‍ണായകവും പ്രതിരോധ-നയതന്ത്ര പ്രാധാന്യമേറിയതുമാണെന്ന് മന്ത്രാലയം വ്യക്തമാക്കി. 81,000 കോടി രൂപയുടെ പദ്ധതി രാജ്യത്തെ ഏറ്റവും വലിയ അഴിമതികളിലൊന്നും പ്രകൃതിക്കും ആദിവാസി പാരമ്പര്യത്തിനും നേര്‍ക്കുള്ള ഗുരുതര കുറ്റകൃത്യവുമാണെന്ന് കഴിഞ്ഞ ദിവസം ആന്റമാന്‍ സന്ദര്‍ശിച്ച രാഹുല്‍ ഗാന്ധി ആരോപിച്ചിരുന്നു.