ലഖ്‌നൗ: ലിവിങ് ടുഗെതർ ബന്ധത്തിനിടെ നൽകിയ സ്വർണ്ണവും പണവും തിരികെ ആവശ്യപ്പെട്ടതിന് യുവാവിനെ  സ്ത്രീയും സുഹൃത്തുക്കളും ചേർന്ന് മർദ്ദിക്കുകയും വിഷം കുടിപ്പിക്കുകയും ചെയ്തുവെന്ന് പരാതി.

ഉത്തർപ്രദേശിലെ മഹോബയിലെ ഒരു സ്വകാര്യ കമ്പനിയിൽ മെഡിക്കൽ റെപ്രസന്റേറ്റീവായി ജോലി ചെയ്യുന്ന ഹാമിർപൂർ സ്വദേശിയായ ശൈലേന്ദ്ര  ഗുപ്തയാണ് കഴിഞ്ഞദിവസം ആക്രമണത്തിന് ഇരയായത്. സംഭവത്തില്‍ യുവതിയും കൂട്ടാളികളും ഒളിവിലും യുവാവ് ആശുപത്രിയില്‍ ചികിത്സയിലുമാണ്.

നാല് വർഷം മുമ്ബാണ് കാലിപഹാരി സ്വദേശിനിയായ യുവതിയുമായി യുവാവ് പരിചയത്തിലാവുന്നത്. പിന്നീട് ഇരുവരും തമ്മില്‍ പ്രണയത്തിലാവുകയും ഒരുമിച്ച്‌ താമസിക്കാൻ തീരുമാനിക്കുകയുമായിരുന്നു.

 ലിവിങ് ടുഗദർ ബന്ധത്തിനിടെ ശൈലേന്ദ്ര പെണ്‍സുഹൃത്തിന് വിലയേറിയ ആഭരണങ്ങളും നാല് ലക്ഷം രൂപയും നല്‍കിയിരുന്നു. കാലക്രമേണ, യുവതി ശൈലേന്ദ്രയുമായി അകലുകയും മറ്റൊരാളുമായി സൗഹൃദത്തിലാവുകയും ഇതോടെ ഇരുവരും പിരിയുകയും ചെയ്തു.

താൻ നല്‍കിയ പണവും ആഭരണങ്ങളും യുവാവ് തിരികെ ചോദിച്ചതോടെ ഇരുവരും തമ്മില്‍ തർക്കമാരംഭിക്കുകയായിരുന്നു. മർദിച്ച്‌ അവശനാക്കിയ ശേഷം യുവാവിനെ ഇവർ നിർബന്ധിച്ച്‌ വിഷം കുടിപ്പിക്കുകയും ചെയ്തു. വിഷം ഉള്ളില്‍ചെന്ന് ഗുരുതരാവസ്ഥയിലായ യുവാവിനെ കെട്ടിടത്തിന് പുറത്ത് ഉപേക്ഷിച്ച്‌ പ്രതികള്‍ സ്ഥലംവിടുകയുമായിരുന്നു. 

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്