-20251027014123.jpg)
ന്യൂഡല്ഹി: ഇന്ത്യയ്ക്കും ചൈനയ്ക്കും ഇടയില് നേരിട്ടുള്ള വിമാന സര്വീസുകള് ഞായറാഴ്ച പുനരാരംഭിച്ചു. അഞ്ച് വര്ഷത്തെ ഇടവേളയ്ക്ക് ശേഷമുള്ള ആദ്യ വിമാന സര്വീസാണിത്. കൊല്ക്കത്ത-ഗ്വാങ്ചൗ ഇന്ഡിഗോ വിമാനം ഞായറാഴ്ച രാത്രി 10:07 ന് നേതാജി സുഭാഷ് ചന്ദ്രബോസ് അന്താരാഷ്ട്ര വിമാനത്താവളത്തില് നിന്നാണ് യാത്ര തിരിച്ചു. പ്രാദേശിക സമയം പുലര്ച്ചെ 4.05 ന് വിമാനം ഗ്വാങ്ചൗവിലെത്തും.
ഷാങ്ഹായില് നിന്ന് ന്യൂഡല്ഹിയിലേക്കുള്ള വിമാനങ്ങള് നവംബര് ഒമ്പത് മുതല് പുനരാരംഭിക്കും. അതേസമയം ഇന്ഡിഗോയുടെ ഡല്ഹിയില് നിന്നുള്ള ഗ്വാങ്ചൗ വിമാന സര്വീസ് നവംബര് 10 മുതല് ആരംഭിക്കും. ഇന്ത്യയും ചൈനയും തമ്മിലുള്ള ബന്ധം സാധാരണ നിലയിലാക്കുന്നതിനായുള്ള കേന്ദ്ര സര്ക്കാരിന്റെ സമീപനത്തിന്റെ ഭാഗമായാണ് പുതിയ നടപടി. ഒക്ടോബര് അവസാനത്തോടെ വിമാന സര്വീസുകള് പുനരാരംഭിക്കാന് കഴിയുമെന്ന് വിദേശകാര്യ മന്ത്രാലയം നേരത്തേ വ്യക്തമാക്കിയിരുന്നു.
ദോക് ലാം സംഘര്ഷത്തിന് പിന്നാലെയാണ് ഇരുരാജ്യങ്ങള്ക്കുമിടയിലെ വിമാന സര്വീസുകള് നിലച്ചത്. പിന്നാലെ 2020-ല് കോവിഡ് വ്യാപനത്തോടെ ഇത് നീളുകയായിരുന്നു. പിന്നാലെ ഗല്വാന് സംഘര്ഷത്തെ തുടര്ന്ന് ഇരുരാജ്യങ്ങളും തമ്മിലുള്ള അകല്ച്ച വര്ധിക്കുകയും ചെയ്തു. ബെയ്ജിങ്, ഷാങ്ഹായ്, ഗ്വാങ്ചൗ, ഷെങ്ദു എന്നീ പ്രധാന വിമാനത്താവളങ്ങളിലേക്കാണ് നേരത്തേ സര്വീസുകളുണ്ടായിരുന്നത്. കഴിഞ്ഞ മാസം, ഷാങ്ഹായ് (എസ്സിഒ) ഉച്ചകോടിക്കിടെ ടിയാന്ജിനില് നടന്ന കൂടിക്കാഴ്ചയില്, പ്രധാനമന്ത്രി നരേന്ദ്ര മോദിയും ചൈനീസ് പ്രസിഡന്റ് ഷി ജിന്പിങ്ങും ഇക്കാര്യത്തില് അനുകൂല നിലപാടെടുത്തിരുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
1-20260302032542.jpg)
-20201011031017.jpg)
-20260314050332.jfif)
-20201113035654.jpg)
-20260125085114.jpg)
