ബെംഗളൂരു: സുഹൃത്തുക്കള്‍ വെല്ലുവിളിച്ചതിനെ തുടര്‍ന്ന് പടക്ക പെട്ടിയില്‍ കയറിയിരുന്ന യുവാവ് പൊള്ളലേറ്റു മരിച്ചു. 32 കാരനായ ശബരീഷ് എന്ന യുവാവാണ് മരിച്ചത്. 

ഒക്ടോബര്‍ 31ന് ദീപാവലി ആഘോഷിക്കാനെത്തിയ ശബരീഷും സുഹൃത്തുക്കളും മദ്യപിച്ചിരുന്നതായി പോലീസ് പറഞ്ഞു. പടക്ക പെട്ടിയില്‍ ഇരുന്നാല്‍ ഓട്ടോറിക്ഷ വാങ്ങി നല്‍കാമെന്ന് ശബരീഷിന്റെ സുഹൃത്തുക്കള്‍ വാഗ്ദാനം ചെയ്തു.

തൊഴില്‍രഹിതനായ ശബരീഷ് വെല്ലുവിളി സ്വീകരിച്ചു. സ്ഥലത്തെ സിസിടിവി ദൃശ്യങ്ങളില്‍ ശബരീഷ് ഇരുന്നിരുന്ന പടക്ക പെട്ടിക്ക് തീ കൊളുത്തിയ സുഹൃത്തുക്കള്‍ സംഭവസ്ഥലത്ത് നിന്ന് പിന്‍വാങ്ങുന്നത് കാണാം. പെട്ടി പൊട്ടിത്തെറിക്കുന്നതും, ശബരീഷ് നിലത്ത് പുളയുന്നതും വീഡിയോയില്‍ കാണാം. സാരമായി പരിക്കേറ്റ ഇയാളെ സുഹൃത്തുക്കള്‍ ആശുപത്രിയില്‍ എത്തിച്ചു.

എന്നാല്‍ ശബരീഷ് നവംബര്‍ രണ്ടിന് മരിച്ചു. ശബരീഷിന്റെ മരണവുമായി ബന്ധപ്പെട്ട് പോലീസ് ആറുപേരെ അറസ്റ്റ് ചെയ്യുകയും മനഃപൂര്‍വമല്ലാത്ത നരഹത്യക്ക് കേസെടുക്കുകയും ചെയ്തു.

ശബരീഷ് തൊഴില്‍ രഹിതനാണെന്നും സുഹൃത്തുക്കള്‍ വാഗ്ദാനം ചെയ്ത ഓട്ടോറിക്ഷയില്‍ നല്ലൊരു ഭാവി ഉണ്ടാകുമെന്ന പ്രതീക്ഷയിലാണ് വെല്ലുവിളി സ്വീകരിച്ചതെന്നും സൗത്ത് ഡിസിപി ലോകേഷ് പറഞ്ഞു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്