ഋഷികേശ്: ഉത്തരാഖണ്ഡിലെ രുദ്രപ്രയാഗ് ജില്ലയിൽ 23 യാത്രക്കാരുമായി ടെമ്പോ ട്രാവലർ നദിയിലേക്ക് മറിഞ്ഞ് എട്ട് പേർ മരിച്ചു. ഏഴോളം പേർക്ക് പരിക്കേറ്റതായാണ് റിപ്പോർട്ട്.

പരിക്കേറ്റവരെ ചികിത്സയ്ക്കായി അടുത്തുള്ള മെഡിക്കൽ സെൻ്ററിലേക്ക് മാറ്റിയിരിക്കുകയാണ്. ഋഷികേശ്-ബദരീനാഥ് ഹൈവേയിൽ അളകനന്ദ നദിക്ക് സമീപമാണ് സംഭവം. സംഭവത്തിൽ മുഖ്യമന്ത്രി പുഷ്‌കർ സിംഗ് ധമി അപകടത്തിൽ ദുഃഖം രേഖപ്പെടുത്തി.

"ഈ അപാരമായ വേദന താങ്ങാൻ മരിച്ചവരുടെ കുടുംബത്തിന് ശക്തി നൽകാനും ഞാൻ ദൈവത്തോട് പ്രാർത്ഥിക്കുന്നു. പരിക്കേറ്റവർ വേഗത്തിൽ സുഖം പ്രാപിക്കുന്നതിനായും  ബാബ കേദാറിനോട് ഞാൻ പ്രാർത്ഥിക്കുന്നു," അദ്ദേഹം തൻ്റെ ഔദ്യോഗിക ഹാൻഡിൽ കുറിച്ചു. .

പ്രാദേശിക ഭരണകൂടവും എസ്ഡിആർഎഫ് ടീമുകളും ദുരിതാശ്വാസ, രക്ഷാപ്രവർത്തനങ്ങളിൽ ഏർപ്പെട്ടിരിക്കുകയാണെന്നും  സംഭവത്തെക്കുറിച്ച് അന്വേഷിക്കാൻ ജില്ലാ മജിസ്‌ട്രേറ്റിനോട് ഉത്തരവിട്ടതായും അദ്ദേഹം പറഞ്ഞു.  ഡൽഹി/ഗാസിയാബാദിൽ നിന്ന് ചോപ്ത തുംഗനാട്ടിലേക്ക് പോവുകയായിരുന്നു യാത്രക്കാർ.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്