ബോക്സ് ഓഫീസിൽ തകർന്നടിഞ്ഞ്  ഹോളിവുഡ് നടി സിഡ്‌നി സ്വീനിയുടെ ഏറ്റവും പുതിയ ചിത്രം ക്രിസ്റ്റി. ബോക്‌സര്‍ ക്രിസ്റ്റി മാര്‍ട്ടിന്റെ ബയോപിക്കായാണ്  ക്രിസ്റ്റി തിയേറ്ററിലെത്തിയത്. ഹോളിവുഡ് ചരിത്രത്തിലെ ഒരു വൈഡ് റിലീസിന് ലഭിച്ച ഏറ്റവും മോശം ഓപ്പണിംഗുകളിൽ ഒന്നാണ് ചിത്രത്തിന് ലഭിച്ചത്.

ഡേവിഡ് മിഷോഡ് സംവിധാനം ചെയ്ത ക്രിസ്റ്റിനവംബർ 7 ന് റിലീസ് ചെയ്തു. ബോക്സ് ഓഫീസ് മോജോയുടെ കണക്കനുസരിച്ച്, വടക്കേ അമേരിക്കയിലുടനീളമുള്ള 2184 സ്‌ക്രീനുകളിൽ ഈ ചിത്രം വ്യാപകമായി റിലീസ് ചെയ്‌തെങ്കിലും  ആദ്യ വാരാന്ത്യത്തിൽ വെറും 1.31 മില്യൺ ഡോളർ മാത്രമാണ് നേടിയത്.

വടക്കേ അമേരിക്കയിലെ ഒരു വൈഡ് റിലീസിന് ലഭിക്കുന്ന ഏറ്റവും കുറഞ്ഞ ഓപ്പണിംഗുകളിൽ ഒന്നാണിത്. ബോക്സ് ഓഫീസ് മോജോയുടെ പട്ടിക ക്രിസ്റ്റിയെ എക്കാലത്തെയും മികച്ച ഓപ്പണിംഗുകളിൽ (റീ-റിലീസുകൾ ഒഴികെ) അവസാന 10 സ്ഥാനങ്ങളിൽ എത്തിക്കുന്നു. 

അന്താരാഷ്ട്ര തലത്തിലും ക്രിസ്റ്റിയുടെ പ്രകടനം മെച്ചമല്ല, വടക്കേ അമേരിക്കയ്ക്ക് പുറത്ത് വെറും 39,000 ഡോളർ മാത്രമാണ് നേടിയത്. ലോകമെമ്പാടുമായി നേടിയ മൊത്തം വരുമാനം 1.35 മില്യൺ ഡോളറാണ്. 15 മില്യൺ ഡോളറിലധികം ബജറ്റിൽ പുറത്തിറങ്ങിയ ക്രിസ്റ്റി ബോക്സ് ഓഫീസിൽ നഷ്ടത്തിലേക്കാണ് നീങ്ങുന്നത്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്