മലയാള സിനിമയിൽ ഏറ്റവും കൂടുതൽ കളക്ഷൻ നേടിയ ചിത്രങ്ങളുടെ പട്ടികയിൽ ഒന്നാമതുള്ള ചിത്രമാണ് മഞ്ഞുമ്മൽ ബോയ്സ്. ചിദംബരത്തിന്റെ സംവിധാനത്തിൽ സൗബിൻ ഷാഹിർ, ശ്രീനാഥ് ഭാസി, ഗണപതി, ഖാലിദ് റഹ്മാൻ, ദീപക് പറമ്പോൽ, ചന്തു, ജൂനിയർ ലാൽ തുടങ്ങിയവർ പ്രധാന വേഷങ്ങളിലെത്തി ബോക്സ് ഓഫീസിൽ റെക്കോർഡിട്ട ചിത്രമാണ് മഞ്ഞുമ്മൽ ബോയ്സ്.
സിനിമ തിയേറ്ററിൽ നിന്നും ഒടിടിയിൽ സ്ട്രീമിങ്ങ് തുടരുമ്പോൾ പ്രേക്ഷകരെ അത്ഭുതപ്പെടുത്തിയ ഗുണ കേവ് എങ്ങനെ സാങ്കേതിക വിദ്യയുടെ സഹായത്തോടെ നിർമ്മിച്ചുവെന്ന് കാട്ടുന്ന ഒരു വീഡിയോ പുറത്തിറക്കിയിരിക്കുകയാണിപ്പോൾ.
സുഭാഷിനെ രക്ഷിക്കുന്ന സീനുകളും സെറ്റിട്ട ഗുണാകേവും ഉൾപ്പടെയുള്ളവയ്ക്ക് നൽകിയ വിഎഫ്എക്സുകളാണ് വീഡിയോയിൽ ഉൾക്കൊള്ളിച്ചിരിക്കുന്നത്. വീഡിയോ പുറത്തുവന്നതോടെ അണിയറ പ്രവർത്തകർക്ക് കയ്യടിച്ച് കൊണ്ട് സിനിമാസ്വാദകരും രംഗത്ത് എത്തിയിട്ടുണ്ട്.
മഞ്ഞുമ്മേൽ ബോയ്സ് - VFX ബ്രേക്ക്ഡൗൺ എന്ന പേരിലാണ് വീഡിയോ പുറത്തിറക്കിയിരിക്കുന്നത്. എഗ് വൈറ്റ് വിഎഫ്എക്സ് എന്ന കമ്പനിയാണ് വിഎഫ്ക്സ് ചെയ്തിരിക്കുന്നത്. തൗഫീക് ഹുസൈൻ ആണ് വിഎഫ്എക്സ് സൂപ്പർവൈസർ. വീഡിയോ പുറത്തുവന്നതിന് പിന്നാലെ നിരവധി പേരാണ് കമന്റുകളുമായും ടീമിനെ പ്രശംസിച്ചും രംഗത്ത് എത്തിയരിക്കുന്നത്. 'നല്ലത് പോലെ പണി അറിയാം മലയാളിക്ക്', എന്നാണ് പലരും കമന്റുകളായി രേഖപ്പെടുത്തുന്നത്.
തിങ്ക് മ്യൂസിക്കിന്റെ യൂട്യബ് ചാനലിലൂടെയാണ് നാല് മിനിറ്റ് ദൈർഘ്യമുള്ള വീഡിയോ, സിനിമയിലെ 'നെബുലകൾ' എന്ന പാട്ടിന്റെ ബാക്ക്ഗ്രൗണ്ടിൽ പുറത്തിറക്കിയിരിക്കുന്നത്. നിരവധി അപകടങ്ങളെ തുടർന്ന് പ്രവേശനം നിഷേധിച്ചിരുന്ന കൊടൈക്കാനാലിലെ പ്രശസ്തമായ ഗുണ കേവ് മഞ്ഞുമ്മൽ ബോയ്സിന്റെ ചിത്രീകരണത്തിന് വേണ്ടി തുറന്നു കൊടുത്തിരുന്നു. എന്നാൽ എല്ലാ ഭാഗവും ചിത്രീകരിക്കാൻ സാധിക്കാത്തതിനാലും ഡെവിൾസ് കിച്ചണടക്കം ഭീകരത നിറഞ്ഞ വിഷ്വൽസ് കാട്ടിയത് വിഎഫ്എക്സിന്റെ സഹായത്തോടെയാണ്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്