തെന്നിന്ത്യൻ സിനിമാ പ്രേമികൾ ഒന്നടങ്കം കാത്തിരിക്കുന്ന ലോകേഷ് കനകരാജ് ചിത്രം കൈതി 2 വിന്റെ ഔദ്യോഗിക പ്രഖ്യാപനം ഉടനുണ്ടാകുമെന്ന് റിപ്പോർട്ടുകൾ. മാർച്ചിൽ ഹോളിയാഘോഷങ്ങൾക്ക് പിന്നാലെ, അതായത് മാർച്ച് 14-ഓടെ ചിത്രത്തെക്കുറിച്ചുള്ള സുപ്രധാന വിവരങ്ങൾ പുറത്തുവിടുമെന്നാണ് സൂചന.
കാർത്തി നായകനാകുന്ന ഈ ചിത്രത്തിന് ഡില്ലി എന്ന് പേരിട്ടതായും ഇതിനോടകം തന്നെ ഒരു ടീസർ ഷൂട്ട് ചെയ്തതായും സോഷ്യൽ മീഡിയയിൽ പ്രചരിക്കുന്ന സെൻസർ സർട്ടിഫിക്കറ്റ് സൂചിപ്പിക്കുന്നു.
2019-ൽ പുറത്തിറങ്ങിയ കൈതിയുടെ രണ്ടാം ഭാഗത്തിനായി ആരാധകർ കാത്തിരിക്കുകയാണെങ്കിലും ചിത്രത്തിന്റെ ഷൂട്ടിംഗ് 2027-ൽ മാത്രമേ ആരംഭിക്കൂ എന്നാണ് പുതിയ വിവരം. നിലവിൽ അല്ലു അർജുനൊപ്പമുള്ള ബിഗ് ബജറ്റ് ചിത്രത്തിന്റെ (AA23) തിരക്കുകളിലാണ് ലോകേഷ്. ഇത് പൂർത്തിയാക്കിയ ശേഷമാകും കൈതി 2-ലേക്ക് അദ്ദേഹം കടക്കുക. ലോകേഷ് സിനിമാറ്റിക് യൂണിവേഴ്സിലെ (LCU) ആദ്യ ചിത്രമായ കൈതിയുടെ രണ്ടാം ഭാഗം വിക്രം, ലിയോ എന്നീ ചിത്രങ്ങളുമായും ബന്ധപ്പെട്ടു കിടക്കുന്നതായിരിക്കും.
പ്രതിഫല തർക്കം കാരണം ചിത്രം മുടങ്ങിയെന്ന വാർത്തകൾ ലോകേഷ് കനകരാജ് നിഷേധിച്ചു. പ്രായോഗികമായ ചില കാരണങ്ങളാലാണ് ഷൂട്ടിംഗ് വൈകുന്നത്. കമൽഹാസനും രജനീകാന്തും ഒന്നിക്കുന്ന ഒരു ചിത്രത്തിനായി താൻ ഒന്നര മാസത്തോളം തിരക്കഥ തയ്യാറാക്കിയിരുന്നുവെന്നും എന്നാൽ ആ പ്രോജക്റ്റ് നടന്നില്ലെന്നും ലോകേഷ് വെളിപ്പെടുത്തി. കൂടാതെ, കാർത്തി മറ്റ് സിനിമകളുടെ തിരക്കിലായതും കൈതി 2 നീണ്ടുപോകാൻ കാരണമായി.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260311033306.jpg)
