-20260401041847.jpg)
മലയാള സിനിമയുടെ 100 കോടി ക്ലബ്ബ് ചരിത്രത്തിൽ പുതിയൊരു അധ്യായം കുറിക്കാൻ ഒരുങ്ങുകയാണ് നടൻ ജയസൂര്യ. സൂപ്പർ ഹിറ്റ് ചിത്രം 'ആട് 3'-ലൂടെ തന്റെ കരിയറിലെ ആദ്യ 100 കോടി നേട്ടം സ്വന്തമാക്കിയ ജയസൂര്യ, തൊട്ടുപിന്നാലെ എത്തുന്ന 'കത്തനാർ' എന്ന ബിഗ് ബജറ്റ് ചിത്രത്തിലൂടെ മറ്റൊരു അപൂർവ്വ റെക്കോർഡിലേക്കാണ് കണ്ണുവെക്കുന്നത്.
മലയാളത്തിൽ ഇതുവരെ മോഹൻലാലിന് മാത്രം അവകാശപ്പെടാനായ 'ബാക്ക്-ടു-ബാക്ക്' (തുടർച്ചയായ) 100 കോടി ക്ലബ്ബ് എൻട്രി എന്ന നേട്ടമാണ് ജയസൂര്യയെ കാത്തിരിക്കുന്നത്.
കഴിഞ്ഞ വർഷം പുറത്തിറങ്ങിയ 'എമ്പുരാൻ', 'തുടരും' എന്നീ ചിത്രങ്ങളിലൂടെയാണ് മോഹൻലാൽ ഈ നേട്ടം സ്വന്തമാക്കിയത്. നിലവിൽ 100 കോടി ക്ലബ്ബിൽ ഇടംപിടിച്ച എട്ട് സോളോ ഹീറോകളിൽ മറ്റാർക്കും ഈ തുടർച്ചയായ വിജയം നേടാനായിട്ടില്ല.
ഏറ്റവുമൊടുവിൽ പുറത്തിറങ്ങിയ 'കത്തനാർ: ദി വൈൽഡ് സോർസറർ' എന്ന ചിത്രത്തിന്റെ ടീസർ ഇതിനോടകം തന്നെ സോഷ്യൽ മീഡിയയിൽ തരംഗമായിക്കഴിഞ്ഞു. ഇംഗ്ലീഷ് ഉൾപ്പെടെ ആറ് ഭാഷകളിൽ പുറത്തിറങ്ങിയ ടീസറിന് ആഗോളതലത്തിൽ മികച്ച പ്രതികരണമാണ് ലഭിക്കുന്നത്.
'ഹോം', 'മങ്കി പെൻ' തുടങ്ങിയ ചിത്രങ്ങളിലൂടെ ശ്രദ്ധേയനായ റോജിൻ തോമസ് സംവിധാനം ചെയ്യുന്ന ഈ ചിത്രം മലയാളത്തിലെ ഏറ്റവും അംബീഷ്യസ് പ്രോജക്റ്റുകളിൽ ഒന്നാണ്. ജയസൂര്യയുടെ കരിയറിലെ ഏറ്റവും വലിയ മേക്കോവറായ ഈ ചിത്രം കൂടി 100 കോടി ക്ലബ്ബിൽ കയറുന്നതോടെ, മോഹൻലാലിന് ശേഷം ഈ നേട്ടം കൈവരിക്കുന്ന ആദ്യ താരമായി ജയസൂര്യ മാറും.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260401041847.jpg)
-20260329042615.jpg)
