ഡോണ്ട് ലുക്ക് അപ്പ്', 'വൈസ്' തുടങ്ങിയ ഹിറ്റ് ചിത്രങ്ങളുടെ സംവിധായകൻ ആദം മക്കേയും പ്രശസ്ത ഹൊറർ ചിത്രം 'ടുഗെദർ' ഒരുക്കിയ മൈക്കൽ ഷാങ്ക്സും പുതിയ സിനിമയ്ക്കായി ഒന്നിക്കുന്നു. സോണി പിക്ചേഴ്സ് ഏറ്റെടുത്തിരിക്കുന്ന ഈ പേരിടാത്ത ചിത്രം ഒരു പക്കാ 'സൈ-ഫൈ കോമഡി' ആയിരിക്കുമെന്നാണ് റിപ്പോർട്ടുകൾ.
മൈക്കൽ ഷാങ്ക്സ് തിരക്കഥയൊരുക്കുന്ന ചിത്രം ആദം മക്കേ സംവിധാനം ചെയ്യും. ഹൈപ്പർ ഒബ്ജക്റ്റ് ഇൻഡസ്ട്രീസിന്റെ ബാനറിൽ ആദം മക്കേയ്ക്കൊപ്പം ടോഡ് ഷുൽമാൻ, ആൻഡ്രൂ മിറ്റ്മാൻ എന്നിവർ ചേർന്നാണ് ചിത്രം നിർമ്മിക്കുന്നത്.
2025-ലെ സൺഡാൻസ് ഫിലിം ഫെസ്റ്റിവലിൽ വലിയ ചർച്ചയായ 'ടുഗെദർ' എന്ന ചിത്രത്തിന് ശേഷം മൈക്കൽ ഷാങ്ക്സ് ഒരുക്കുന്ന രണ്ടാമത്തെ വലിയ പ്രോജക്റ്റാണിത്. നേരത്തെ 'ഹോട്ടൽ, ഹോട്ടൽ, ഹോട്ടൽ, ഹോട്ടൽ' എന്ന സൈ-ഫൈ ത്രില്ലറിന് വേണ്ടിയും ഇവർ കൈകോർത്തിരുന്നു.
പുതിയ ചിത്രത്തിന്റെ ഇതിവൃത്തം രഹസ്യമായി സൂക്ഷിച്ചിരിക്കുകയാണെങ്കിലും ഹോളിവുഡിലെ രണ്ട് പ്രതിഭകൾ ഒന്നിക്കുമ്പോൾ വലിയൊരു ദൃശ്യവിരുന്ന് തന്നെ ആരാധകർ പ്രതീക്ഷിക്കുന്നുണ്ട്.
ഇതിനുപുറമെ, ജെഫ്രി എപ്സ്റ്റീന്റെ ജീവിതത്തെ ആസ്പദമാക്കി ലോറ ഡേൺ കേന്ദ്രകഥാപാത്രമാകുന്ന മിനി സീരീസും ആദം മക്കേയുടെ നിർമ്മാണത്തിൽ അണിയറയിൽ ഒരുങ്ങുന്നുണ്ട്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260401041847.jpg)
-20260329042615.jpg)
