ആദിത്യ ധർ സംവിധാനം ചെയ്ത സ്പൈ ത്രില്ലർ 'ധുരന്ധർ 2' ബോക്സ് ഓഫീസിൽ സമാനതകളില്ലാത്ത കുതിപ്പ് തുടരുന്നു. റിലീസ് ചെയ്ത് 13-ാം ദിവസം പിന്നിടുമ്പോൾ ചിത്രം ആഗോളതലത്തിൽ 1400 കോടി രൂപ എന്ന നാഴികക്കല്ല് പിന്നിട്ടു.
ചൈനീസ് വിപണിയുടെ സഹായമില്ലാതെ ഈ നേട്ടം കൈവരിക്കുന്ന ആദ്യ ബോളിവുഡ് ചിത്രമെന്ന റെക്കോർഡും ഇതോടെ ധുരന്ധർ സ്വന്തമാക്കി. ആദ്യ വാരത്തിൽ തന്നെ 1000 കോടി ക്ലബ്ബിൽ ഇടംപിടിച്ച ചിത്രം രണ്ടാം വാരത്തിലും മികച്ച കളക്ഷനാണ് നേടുന്നത്. ഇന്ത്യയിൽ മാത്രം ഇതുവരെ 899 കോടി രൂപയാണ് ചിത്രം വാരിക്കൂട്ടിയത്.
രണ്ടാം വാരത്തിലെ ശനിയാഴ്ചയും ഞായറാഴ്ചയുമായി 170 കോടി രൂപ നേടി ഇന്ത്യൻ സിനിമാ ചരിത്രത്തിലെ ഏറ്റവും ഉയർന്ന രണ്ടാമത്തെ വീക്കെൻഡ് കളക്ഷനും ചിത്രം സ്വന്തം പേരിൽ കുറിച്ചു. വിദേശ വിപണികളിലും ചിത്രം വൻ ചലനമാണ് സൃഷ്ടിക്കുന്നത്.
വടക്കേ അമേരിക്കയിൽ 'ബാഹുബലി 2'-ന്റെ ഒൻപത് വർഷം പഴക്കമുള്ള റെക്കോർഡ് ധുരന്ധർ മറികടന്നു. നിലവിൽ 1435 കോടി രൂപയാണ് ചിത്രത്തിന്റെ ആകെ ഗ്രോസ് കളക്ഷൻ. രൺവീർ സിംഗിനൊപ്പം ആർ. മാധവൻ, അർജുൻ രാംപാൽ, സഞ്ജയ് ദത്ത് തുടങ്ങിയ വൻ താരനിര അണിനിരന്ന ഈ ചിത്രം 2000 കോടി ക്ലബ്ബ് ലക്ഷ്യമിട്ടാണ് മുന്നേറുന്നത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260401041847.jpg)
-20260329042615.jpg)
