മുംബൈ: ജോണ്‍ എബ്രഹാം നായകനായ ആക്ഷന്‍-ത്രില്ലര്‍ ചിത്രമായ 'ദി ഡിപ്ലോമാറ്റി'ന് ബോക്‌സ് ഓഫീസില്‍ മികച്ച തുടക്കം. ആദ്യ ദിവസം ചിത്രം 4 കോടി രൂപ കളക്ഷന്‍ നേടി. ഹോളി ആഘോഷ വേളയിലാണ് ചിത്രം റിലീസ് ചെയ്തത്. അവധിക്കാല ആഘോഷങ്ങളില്‍ നിന്ന് ചിത്രത്തിന് പ്രയോജനം ലഭിച്ചിട്ടുണ്ട്. 

2017 ല്‍ വിവാഹ വാഗ്ദാനം നല്‍കി പാകിസ്ഥാനിലേക്ക് കൊണ്ടുപോകപ്പെട്ട ഒരു ഇന്ത്യന്‍ സ്ത്രീയെ രക്ഷിക്കാന്‍ മുതിര്‍ന്ന നയതന്ത്രജ്ഞനും നിലവില്‍ ഇസ്രായേലിലെ ഇന്ത്യയുടെ അംബാസഡറുമായ ജെ പി സിംഗ് നടത്തിയ ശ്രമങ്ങളാണ് ഡി ഡിപ്ലോമാറ്റിന്റെ ഇതിവൃത്തം. ചിത്രത്തില്‍ സിംഗിന്റെ വേഷത്തിലാണ് ജോണ്‍ പ്രത്യക്ഷപ്പെടുന്നത്.

സാക്‌നില്‍ക്കിന്റെ റിപ്പോര്‍ട്ടനുസരിച്ച്, വെള്ളിയാഴ്ച ഇന്ത്യന്‍ ബോക്‌സ് ഓഫീസില്‍ നിന്ന് ഏകദേശം 4.00 കോടി നെറ്റ് കളക്ഷനാണ് ഡി ഡിപ്ലോമാറ്റ് നേടിയത്. ആദ്യ ദിവസം ചിത്രത്തിന് മൊത്തത്തില്‍ 20.45 ശതമാനം ഒക്യുപെന്‍സി ഉണ്ടായിരുന്നു.

ഉച്ചകഴിഞ്ഞുള്ള ഷോകളില്‍ 19.42 ശതമാനമായി ഗണ്യമായ വര്‍ദ്ധനവ് തിയേറ്റര്‍ ഒക്യുപെന്‍സിയില്‍ ഉണ്ടായി. വൈകുന്നേരത്തെ ഷോകള്‍ക്ക് 28.50 ശതമാനം പേര്‍ എത്തി. രാത്രി ഷോകളില്‍ 26.56 ശതമാനം ഒക്യുപന്‍സി ഉണ്ടായി. 

എന്നിരുന്നാലും, വിക്കി കൗശാലിന്റെ ഛാവയില്‍ നിന്ന് ചിത്രം കടുത്ത മത്സരമാണ് നേരിടുന്നത്. മറാഠ യുദ്ധവീരന്‍ സംഭാജിയുടെ കഥ പറയുന്ന ചിത്രം ഇപ്പോഴും പ്രേക്ഷകരെ ആകര്‍ഷിക്കുന്നു.  ആഴ്ചകളോളം തിയേറ്ററുകളില്‍ ഉണ്ടായിരുന്നിട്ടും ചിത്രം വെള്ളിയാഴ്ച ബോക്‌സ് ഓഫീസില്‍ മികച്ച കളക്ഷന്‍ നേടി. ലക്ഷ്മണ്‍ ഉതേക്കര്‍ സംവിധാനം ചെയ്ത ചിത്രം അഞ്ചാമത്തെ വെള്ളിയാഴ്ച 7.25 കോടി രൂപയാണ് നേടിയത്. ഇത് അതിന്റെ തുടര്‍ച്ചയായ ജനപ്രീതിയെ സൂചിപ്പിക്കുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്