ഹോളിവുഡ് ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ജോക്കർ: ഫോളി എ ഡ്യൂക്സ്. ആരാധകർക്ക് ഏറെ ആവേശമായി ചിത്രത്തിന്റെ ഒഫീഷ്യല് ട്രെയിലർ പുറത്തിറങ്ങി. ജോക്കറായും ഹാർലി ക്വിനായും ജോക്വിൻ ഫീനിക്സും ലേഡി ഗാഗയും പ്രധാന വേഷത്തില് എത്തുന്ന ചിത്രത്തിനായി ആരാധകർ വാനോളം പ്രതീക്ഷയുമായാണ് കാത്തിരിക്കുന്നത്.
ടോഡ് ഫിലിപ്സ് സംവിധാനം ചെയ്ത ചിത്രത്തിന്റെ ട്രെയിലർ ചൊവ്വാഴ്ചയാണ് പുറത്ത് എത്തിയത്. 2019-ലെ സിനിമയുടെ തുടര്ച്ച എന്ന നിലയിലാണ് ജോക്കർ: ഫോളി എ ഡ്യൂക്സ് എത്തുന്നത്. സംവിധായകന് ടോഡ് ഫിലിപ്സ് നേരത്തെ സൂചിപ്പിച്ചത് പോലെ ഒരു മ്യൂസിക്കല് ചിത്രമാണ് ഇതെന്നാണ് ട്രെയിലര് നല്കുന്ന സൂചന.
ട്രെയിലർ അനുസരിച്ച് കുറ്റകൃത്യങ്ങളുടെ പേരില് വിചാരണ നേരിടുന്ന ജോക്കറിന്റെ ആരാധികയായ ഹാർലി ക്വിനെ കാണുന്നതും ഇരുവരും ഒന്നിക്കുന്നതും പുതിയ കൂട്ടുകെട്ട് പിറക്കുന്നതാണ് ചിത്രം എന്നാണ് ലഭിക്കുന്ന സൂചന. ഇരുവരും ഗോതം സിറ്റിയിൽ നാശം വിതയ്ക്കാൻ തയ്യാറെടുക്കുന്നു രംഗങ്ങളും ട്രെയിലറിലുണ്ട്. ലേഡി ഗാഗയുടെ സ്റ്റേജ് പെര്ഫോമന്സും ട്രെയിലറില് കാണാം. എന്തായാലും ചിത്രത്തിന്റെ റിലീസിനായി കാത്തിരിക്കുകയാണ് ആരാധകർ.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്