തൻ്റെ പുതിയ ചിത്രമായ ബെവർലി ഹിൽസ് കോപ്പ്: ആക്‌സൽ എഫുമായി ബന്ധപ്പെട്ട ഒരു അഭിമുഖത്തിൽ ഷ്രെക്ക് 5 മികച്ച രീതിയിൽ പുരോഗമിക്കുന്നതായി എഡ്ഡി മർഫി വ്യക്തമാക്കി. അത് മാത്രമല്ല തൻ്റെ കഥാപാത്രമായ ഡോങ്കിയ്ക്ക് സ്വന്തമായി ഒരു സ്പിൻഓഫ് ഫിലിം ആരംഭിക്കുന്നു എന്നും താരം വെളിപ്പെടുത്തി.

"ഞങ്ങൾ നാലോ അഞ്ചോ മാസം മുമ്പാണ് ഷ്രെക്ക് 5 ചെയ്യാൻ തുടങ്ങിയത്, ഞങ്ങൾ ഇത് ഈ വർഷം പൂർത്തിയാക്കും" എന്നും അദ്ദേഹം വ്യക്തമാക്കി. "മറ്റൊരു ഷ്രെക്ക് പുറത്തുവരുന്നു, കഴുതയെ പ്രധാന കഥാപാത്രമാക്കി ഒരു സിനിമ ഉണ്ടാകും" എന്നും അദ്ദേഹം പറഞ്ഞു. എന്നാൽ രണ്ട് സിനിമകളും ഒരേ സമയം റെക്കോർഡ് ചെയ്യില്ല എന്നും അദ്ദേഹം പറഞ്ഞു.

2025-ൽ ഷ്രെക്ക് 5 പുറത്തിറങ്ങുമെന്ന് ഞാൻ കരുതുന്നു. അതിന് ശേഷം ആവും കഴുത പ്രധാന കഥാപാത്രമായ ചിത്രം ചെയുക എന്നാണ് അദ്ദേഹം പറഞ്ഞത്. 2001-ൽ ആരംഭിച്ച ഷ്രെക്ക് ഫ്രാഞ്ചൈസി, നാല് ഫീച്ചർ സിനിമകളും അൻ്റോണിയോ ബാൻഡേരാസിൻ്റെ ജനപ്രിയ പുസ് ഇൻ ബൂട്ട്സ് കഥാപാത്രത്തെ കേന്ദ്രീകരിച്ചുള്ള രണ്ട് സ്പിൻഓഫ് സിനിമകളും ഇതിനോടകം ചെയ്തിട്ടുണ്ട്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്