ജെയിംസ് ബോണ്ടിനെ പൂര്‍ണ്ണമായി ഏറ്റെടുത്ത് ആമസോണ്‍

FEBRUARY 21, 2025, 9:44 PM

ജെയിംസ് ബോണ്ട് ഫിലിം ഫ്രാഞ്ചൈസി ആമസോണ്‍ പൂര്‍ണ്ണമായും ഏറ്റെടുത്തു. 007-ന്റെ ദീര്‍ഘകാല നിര്‍മ്മാതാക്കളായ മൈക്കല്‍ ജി. വില്‍സണും ബാര്‍ബറ ബ്രോക്കോളിയും ചിത്രത്തില്‍ നിന്നും പൂര്‍ണമായും പിന്മാറുന്നുവെന്ന് അറിയിച്ച് വ്യാഴാഴ്ച പ്രഖ്യാപനം നടത്തി.

പിന്നാലെ ജെയിംസ് ബോണ്ട് ചിത്രങ്ങളുടെ ദീര്‍ഘകാല നിര്‍മ്മാതാക്കളായ മൈക്കല്‍ ജി. വില്‍സണും ബാര്‍ബറ ബ്രോക്കോളിയില്‍ നിന്നും 007 ഫ്രാഞ്ചൈസിയുടെ മുഴുവന്‍ സൃഷ്ടിപരമായ നിയന്ത്രണവും ആമസോണ്‍ എംജിഎം സ്റ്റുഡിയോ ഏറ്റെടുത്തുവെന്നാണ് വിവരം.

പുതിയ കരാര്‍ അനുസരിച്ച് ആമസോണ്‍ എംജിഎം സ്റ്റുഡിയോ, മൈക്കല്‍, ബാര്‍ബറ എന്നിവര്‍ ജെയിംസ് ബോണ്ടിന്റെ ബൗദ്ധിക സ്വത്തവകാശം കൈയ്യാളും, ഇത് മൂന്നു കക്ഷികളും ചേര്‍ന്നുള്ള ഒരു പുതിയ സംയുക്ത സംരംഭത്തിനായിരിക്കും.

മൂന്ന് പാര്‍ട്ടികളും ഫ്രാഞ്ചൈസിയുടെ സഹ-ഉടമകളായി തുടരും. എന്നാല്‍ ആമസോണ്‍ എംജിഎം ആയിരിക്കും ഏത് ചിത്രം നിര്‍മ്മിക്കണം, ആരായിരിക്കണം അടുത്ത ബോണ്ട് തുടങ്ങിയ തീരുമാനങ്ങള്‍ എടുക്കുക.