ഒട്ടാവ: ചരിത്രപ്രസിദ്ധമായ ക്യൂബെക്ക് പാലം ഏറ്റെടുക്കാൻ കനേഡിയൻ നാഷണൽ റെയിൽവേയുമായി (സിഎൻ) കരാറിലെത്തി ഫെഡറൽ ഗവണ്മെന്റ്. പാലത്തിനായി നടക്കുന്ന പതിറ്റാണ്ടുകൾ നീണ്ട രാഷ്ട്രീയ തർക്കത്തിനാണ് ഇതോടെ വിരാമമാകുന്നത്.

അടുത്ത 25 വർഷത്തിനുള്ളിൽ പാലം നന്നാക്കാനും പരിപാലിക്കാനും ഒട്ടാവ 1 ബില്യൺ ഡോളർ ചെലവഴിക്കുമെന്ന് പ്രധാനമന്ത്രി ജസ്റ്റിൻ ട്രൂഡോ ബുധനാഴ്ച ക്യൂബെക്ക് സിറ്റിയിൽ മാധ്യമപ്രവർത്തകരോട് പറഞ്ഞു.

'ഈ പാലത്തിൻ്റെ ദീർഘകാല പ്രവർത്തനക്ഷമതയെക്കുറിച്ച് ആശങ്കകളുണ്ട്, ശരിയായ ഉടമസ്ഥാവകാശവും ശരിയായ നിക്ഷേപ നിലവാരവും ഉണ്ടെങ്കിൽ, ഇത് പതിറ്റാണ്ടുകളോളം നീണ്ടുനിൽക്കുമെന്ന് ട്രൂഡോ പറഞ്ഞു. 

സെൻ്റ് ലോറൻസ് നദിക്ക് കുറുകെ 549 മീറ്റർ നീണ്ടുകിടക്കുന്നതാണ് ക്യൂബെക്ക് പാലം. ക്യൂബെക്ക് സിറ്റിയെ അതിൻ്റെ തെക്കൻ തീരവുമായി ബന്ധിപ്പിക്കുന്ന പാലമാണിത്. ലോകത്തിലെ ഏറ്റവും നീളം കൂടിയ മേൽപ്പാലമാണിത്. 1917-ൽ തുറന്ന ഈ പാലം 1995-ൽ ദേശീയ ചരിത്രപ്രാധാന്യമുള്ള സ്ഥലമായി പ്രഖ്യാപിക്കപ്പെട്ടു.

"ഈ പാലം വാങ്ങാനും വരും തലമുറകൾക്ക് ഈ പാലം സുരക്ഷിതമാക്കാനും മാറിമാറി വരുന്ന സർക്കാരുകൾ പ്രതിജ്ഞാബദ്ധമാണ്, ഇന്ന്, അത് ചെയ്യുന്നതിൽ സന്തോഷമുണ്ട്''- ട്രൂഡോ പറഞ്ഞു. 

60,000 ടൺ ഭാരമുള്ള പാലം 1918 നും 1995 നും ഇടയിൽ ഫെഡറൽ ഗവൺമെൻ്റിൻ്റെ ഉടമസ്ഥതയിലായിരുന്നു. 1907-ലെ തകർച്ചയിൽ 76 തൊഴിലാളികൾ കൊല്ലപ്പെടുകയും 1916-ലെ രണ്ടാമത്തെ അപകടത്തിൽ 13 പേരുടെ മരണത്തിന് കാരണമാവുകയും ചെയ്തിരുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്