ഒട്ടാവ: ഇറാൻ്റെ ഇസ്ലാമിക് റെവല്യൂഷണറി ഗാർഡ് കോർപ്സിനെ (IRGC) തീവ്രവാദ സംഘടനയായി പട്ടികപ്പെടുത്തി കാനഡ.

ആഗോള ഭീകരതയ്‌ക്കെതിരെ പോരാടുന്നതിനുള്ള സുപ്രധാന ചുവട്‌വെപ്പാണിതെന്ന്  പബ്ലിക് സേഫ്റ്റി മന്ത്രി ഡൊമിനിക് ലെബ്ലാങ്ക്  വിശേഷിപ്പിച്ചു.

ഐആർജിസിയിലെ ഉന്നത ഉദ്യോഗസ്ഥർ ഉൾപ്പെടെ ആയിരക്കണക്കിന് മുതിർന്ന ഇറാനിയൻ സർക്കാർ ഉദ്യോഗസ്ഥർക്ക് കാനഡയിൽ പ്രവേശിക്കുന്നത് വിലക്കുന്നതാണ് ഈ നീക്കം.

പരമോന്നത നേതാവ് ആയത്തുല്ല അലി ഖമേനിയുമായി അടുത്ത ബന്ധമുള്ള ഇറാനിലെ ഒരു പ്രധാന സൈനിക, രാഷ്ട്രീയ, സാമ്പത്തിക ശക്തിയാണ് ഇസ്ലാമിക് റെവല്യൂഷണറി ഗാർഡ്.

ഇറാൻ്റെ തന്ത്രപ്രധാനമായ ആയുധങ്ങൾക്ക് മേൽനോട്ടം വഹിക്കുന്ന സ്വന്തം കരസേന, നാവികസേന, വ്യോമസേന എന്നിവയുമായി 190,000-ത്തിലധികം സജീവ ഉദ്യോഗസ്ഥർ ഉള്ള ഗ്രൂപ്പാണ്  ഇസ്ലാമിക് റെവല്യൂഷൻ ഗാർഡ് കോർപ്സ്.

IRGC യുടെ ഭീകര സംഘടനയെ നേരിടാൻ കാനഡ അതിൻ്റെ പക്കലുള്ള എല്ലാ ഉപകരണങ്ങളും ഉപയോഗിക്കുമെന്ന ശക്തമായ സന്ദേശമാണ് ഈ നടപടി നൽകുന്നതെന്ന് മാധ്യമപ്രവർത്തകരോട് സംസാരിച്ച ലെബ്ലാങ്ക് പറഞ്ഞു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്