ലോകമെമ്പാടുമുള്ള, അത്യാവശ്യ ചികിത്സ ഉൾപ്പെടെയുള്ള കാര്യങ്ങൾക്കായി, യുഎസ് ഫണ്ടിംഗ് ലഭിക്കുന്ന ആരോഗ്യപരിപാടികൾ റദ്ദാക്കിയതായി വ്യാഴാഴ്ച വാഷിംഗ്ടണിൽ നിന്ന് അറിയിപ്പുകൾ ലഭിച്ചു. അമേരിക്കൻ ഫണ്ടിംഗോടെ പ്രവർത്തിക്കുന്ന ആരോഗ്യ പദ്ധതികൾക്ക്, അതായത് അത്യാവശ്യമെത്തിക്കുന്ന ചികിത്സകൾക്ക് ഉൾപ്പെടെ ആണ് റദ്ദാക്കൽ അറിയിപ്പ് ലഭിച്ചത്. പ്രസിഡന്റ് ഡൊണാൾഡ് ട്രംപ് ആണ് എല്ലാ വിദേശ സഹായങ്ങളും വിലയിരുത്താനായി അവ 90 ദിവസത്തേക്ക് നിർത്തിവെക്കാൻ ജനുവരിയിൽ ഉത്തരവിട്ടത്.

എന്നാൽ അമേരിക്കൻ വിദേശകാര്യ സെക്രട്ടറി മാർക്കോ റുബിയോ, വാഷിംഗ്ടൺ വിദേശ സഹായം അവസാനിപ്പിക്കുന്നതായി ആശങ്ക വേണ്ടെന്ന് പ്രതികരിച്ചു . ജീവൻ രക്ഷിക്കുന്ന സഹായങ്ങൾക്ക് വിട്ടുവീഴ്ച അനുവദിച്ചതായും അദ്ദേഹം കൂട്ടിച്ചേർത്തു.

എന്നാൽ, ഫെബ്രുവരി 25-നുള്ള ഒരു കോടതി രേഖ പ്രകാരം,കുറച്ച് ആഴ്ചകൾക്കുള്ളിൽ, ഭരണകൂടം ആഗോള തലത്തിൽ 90%ത്തോളം പദ്ധതികൾ ആണ് റദ്ദാക്കിയത്. ഇതിൽ എച്ച്ഐവി പ്രതിരോധ പ്രവർത്തനങ്ങളും മറ്റ് ആരോഗ്യ പദ്ധതികളും ഉൾപ്പെടുന്നു എന്നതും ഞെട്ടിക്കുന്ന വസ്തുതയാണ്.

ദക്ഷിണാഫ്രിക്കയിലെ ഏറ്റവും വലിയ യുഎസ് ഫണ്ടിംഗ് ലഭിച്ച എച്ച്‌ഐവി/എയ്ഡ്സ് പദ്ധതികളുടെ ധനസഹായം തുടരുമെന്നുറപ്പില്ലെന്ന വാർത്ത ആരോഗ്യ സംഘടനകളിലെ മൂന്നു മുതിർന്ന നേതാക്കൾ സ്ഥിരീകരിച്ചു. അതേസമയം, മലേറിയ, മാതൃത്വം, നവജാത ശിശു ആരോഗ്യം എന്നിവയിൽ പ്രവർത്തിക്കുന്ന ഒരു ആഗോള സംഘടനയുടെയും ഏറ്റവും കൂടുതൽ കരാറുകൾ റദ്ദാക്കി എന്നാണ് പുറത്തു വരുന്ന റിപ്പോർട്ട്.

എച്ച്ഐവി, എയ്ഡ്സ് പ്രതിരോധത്തിനായുള്ള ഐക്യരാഷ്ട്ര സംഘടനയുടെ ഏജൻസി ആയ UNAIDS-ന്റെ കരാർ, അമേരിക്കൻ അന്താരാഷ്ട്ര വികസന ഏജൻസി (USAID) റദ്ദാക്കിയതായി രേഖകൾ വ്യക്തമാക്കുന്നു. കംബോഡിയയിലെ എച്ച്ഐവി, ക്ഷയരോഗ (ടിബി) പ്രതിരോധ സംഘടനയായ ഖാനക്കും റദ്ദാക്കൽ അറിയിപ്പ് ലഭിച്ചുവെന്ന് അതിന്റെ പ്രവർത്തനങ്ങളെക്കുറിച്ച് അറിയാവുന്ന ഒരു ഉറവിടം അറിയിച്ചു.

എന്നാൽ യു.എസ്. വിദേശകാര്യ വകുപ്പിൽ നിന്ന് ഇതിനെക്കുറിച്ചുള്ള പ്രതികരണം ഉടൻ ലഭിച്ചില്ല. എത്ര സംഘടനകളാണ് ഇതിൽ ബാധിതരായതെന്ന് ഇതുവരെ വ്യക്തമല്ല.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്