വാഷിംഗ്ടണ്‍: യുഎസ് ഫെഡറല്‍ ഗവണ്‍മെന്റ് വെബ്സൈറ്റുകളില്‍ നിന്ന് എല്‍ജിബിടിക്യു സമൂഹവുമായി ബന്ധപ്പെട്ട 350-ലധികം സര്‍ക്കാര്‍ വെബ് പേജുകള്‍ ഡിലീറ്റ് ചെയ്‌തെന്ന് റിപ്പോര്‍ട്ട്. ലിബറല്‍ റിസര്‍ച്ച് ആന്‍ഡ് അഡ്വക്കസി ഗ്രൂപ്പായ സെന്റര്‍ ഫോര്‍ അമേരിക്കന്‍ പ്രോഗ്രസാണ് ഇത് സംബന്ധിച്ച റിപ്പോര്‍ട്ട് പ്രസിദ്ധീകരിച്ചത്.
എല്‍ജിബിടിക്ു സമൂഹത്തിന് നേരെയുള്ള പീഡന വിരുദ്ധ നയങ്ങള്‍ നടപ്പിലാക്കുന്ന സ്‌കൂളുകള്‍ക്കുള്ള നിര്‍ദേശങ്ങളും തുല്യ തൊഴില്‍ അവസര കമ്മീഷന്റെ എല്‍ജിബിടിക്യു റിസോഴ്‌സ് വെബ് പേജും ഡിലീറ്റാക്കിയവയില്‍ ഉള്‍പ്പെടുന്നു.
അമേരിക്കന്‍ വോട്ടര്‍മാര്‍ 'പ്രസിഡന്റ് ട്രംപിന് അദ്ദേഹത്തിന്റെ സാമാന്യബുദ്ധി, അമേരിക്ക ഫസ്റ്റ് അജണ്ട നടപ്പിലാക്കാന്‍ ഒരു ജനവിധി നല്‍കി'യെന്ന് റിപ്പോര്‍ട്ടിനെക്കുറിച്ചുള്ള ഇമെയില്‍ പ്രതികരണത്തില്‍ വൈറ്റ് ഹൗസ് ഡെപ്യൂട്ടി പ്രസ് സെക്രട്ടറി അന്ന കെല്ലി പറഞ്ഞു.
എല്‍ജിബിടിക്യു കമ്മ്യൂണിറ്റിയെ ബാധിക്കുന്ന എക്‌സിക്യൂട്ടീവ് ഉത്തരവുകളുടെ ഒരു പരമ്പരയില്‍ പ്രസിഡന്റ് ഡൊണാള്‍ഡ് ട്രംപ് ഒപ്പുവച്ചതിന് പിന്നാലെയാണ് സര്‍ക്കാര്‍ വെബ് പേജുകള്‍ നീക്കം ചെയ്യുന്നത്. ഫെഡറല്‍ ഗവണ്‍മെന്റില്‍ നിന്നുള്ള വൈവിധ്യം, തുല്യത, ഉള്‍പ്പെടുത്തല്‍ രീതികള്‍ എന്നിവ നിരോധിക്കുക, ഫെഡറല്‍ ഗവണ്‍മെന്റ് രണ്ട് ലിംഗങ്ങളെ - ആണും പെണ്ണും - മാത്രമേ അംഗീകരിക്കൂ എന്ന് പ്രഖ്യാപിക്കല്‍, ട്രാന്‍സ്ജെന്‍ഡര്‍ സ്ത്രീകളെ വനിതാ കായിക ഇനങ്ങളില്‍ പങ്കെടുക്കുന്നതില്‍ നിന്ന് വിലക്കല്‍ എന്നിവ ഇതില്‍ ഉള്‍പ്പെടുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20201011062608.jpg)
