നയാഗ്ര വെള്ളച്ചാട്ടത്തില്‍ ചാടിയ അമ്മയും രണ്ട് കുട്ടികളും മരിച്ചു

NOVEMBER 1, 2024, 1:36 AM

ന്യൂയോര്‍ക്ക്: നയാഗ്ര വെള്ളച്ചാട്ടത്തില്‍ ചാടിയ അമ്മയും രണ്ട് കുട്ടികളും മരിച്ചു. തിങ്കളാഴ്ച രാത്രിയാണ് ന്യൂയോര്‍ക്കില്‍ നിന്നുള്ള 33 കാരിയായ ചിയാന്തി മീന്‍സ് കുട്ടികളോടൊപ്പം വെള്ളച്ചാട്ടത്തിലേക്ക് ചാടിയത്. 9 വയസുള്ള റോമന്‍ റോസ്മാനും അഞ്ച് മാസം മാത്രം പ്രായമുള്ള മെക്ക മീന്‍സുമാണ് അമ്മയോടൊപ്പം മരിച്ചത്.

ലൂണ ദ്വീപിലെ ഗാര്‍ഡ്റെയിലിന് മുകളിലൂടെയാണ് കുട്ടികളേയും കൊണ്ട് അമ്മ താഴേക്ക് ചാടിയതെന്ന് ന്യൂയോര്‍ക്ക് സ്റ്റേറ്റ് പോലീസ് പറഞ്ഞു. വെള്ളച്ചാട്ടത്തിന് 200 അടി താഴ്ചയുള്ള ഭാഗമാണിത്. ആത്മഹത്യയിലേക്ക് നയിച്ച സാഹചര്യങ്ങള്‍ അന്വേഷണത്തിലാണെന്ന് പൊലീസ് അറിയിച്ചു.

മരിച്ചെന്ന് സ്ഥിരീകരിച്ചെങ്കിലും മൂവരുടെയും മൃതദേഹങ്ങള്‍ ഇതുവരെ രക്ഷാപ്രവര്‍ത്തകര്‍ക്ക് കണ്ടെത്താനായിട്ടില്ല. ഗാര്‍ഹിക പീഡന പ്രശ്‌നങ്ങളില്‍ കൗണ്‍സിലറായി ജോലി ചെയ്യുകയായിരുന്നു മീന്‍സ്.