ഇടത് കാലിലെ ഹാംസ്ട്രിംഗ് (തുടയുടെ പിൻഭാഗത്തെ പേശി) പരിക്ക് കാരണം ഓസ്ട്രേലിയയ്ക്കെതിരായ ഏകദിന പരമ്പരയിൽ നിന്ന് ദക്ഷിണാഫ്രിക്കൻ പേസ് ബൗളർ ഒറ്റ്നീൽ ബാർട്ട്മാൻ പുറത്തായി. ഡോൾഫിൻസി'നു വേണ്ടി 'ടൈറ്റൻസി'നെതിരെ നടന്ന ഫസ്റ്റ് ക്ലാസ് മത്സരത്തിനിടെയാണ് ബാർട്ട്മാന് പരിക്കേറ്റത്.
സെപ്തം.24ന് തുടങ്ങുന്ന മൂന്ന് മത്സരങ്ങളുള്ള പരമ്പരയ്ക്കായി ബാർട്ട്മാന് പകരക്കാരനായി ഡുവാൻ ജാൻസനെ ക്രിക്കറ്റ് സൗത്ത് ആഫ്രിക്ക തിരഞ്ഞെടുത്തു. നിലവിൽ നമീബിയയിൽ നടക്കുന്ന ഏകദിന പരമ്പരയ്ക്കുള്ള ദക്ഷിണാഫ്രിക്കൻ ടീമിനൊപ്പമാണ് ജാൻസനുള്ളത്. സെപ്തംബർ 19ന് ഡർബനിൽ വെച്ച് ഓസ്ട്രേലിയയിലേക്ക് പോകുന്ന ടീമിനൊപ്പം അദ്ദേഹം ചേരുമെന്ന് പ്രതീക്ഷിക്കുന്നു.
ഹാംസ്ട്രിംഗ് പ്രശ്നം മൂലം ഓസ്ട്രേലിയൻ പരമ്പര നഷ്ടമാകുന്ന രണ്ടാമത്തെ ദക്ഷിണാഫ്രിക്കൻ താരമാണ് ബാർട്ട്മാൻ. പരിക്കിൽ നിന്ന് മുക്തനായിക്കൊണ്ടിരിക്കുന്ന പേസ് ബൗളർ കാഗിസോ റബാഡയും പരമ്പരയിൽ നിന്ന് പുറത്തായിരുന്നു. ഈ പരിക്കുകൾ നിർണായകമായ പരമ്പരയ്ക്ക് മുന്നോടിയായി ദക്ഷിണാഫ്രിക്കയുടെ പേസ് ബൗളിംഗ് നിരയെ സംബന്ധിച്ച് ആശങ്ക വർദ്ധിപ്പിക്കുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260113030115.webp)
-20260913032423.jpg)
