ചെന്നൈ: ഐപിഎൽ 2026 സീസണിൽ തുടർച്ചയായ രണ്ടാം തോൽവി വഴങ്ങി ചെന്നൈ സൂപ്പർ കിങ്സ് പ്രതിസന്ധിയിൽ. രാജസ്ഥാൻ റോയൽസിനോട് തോറ്റതിന് പിന്നാലെ സ്വന്തം തട്ടകമായ ചെപ്പോക്കിൽ പഞ്ചാബ് കിങ്സിനോടും പരാജയപ്പെട്ടത് അഞ്ചുതവണ ചാമ്പ്യന്മാരായ ചെന്നൈയുടെ പ്ലേ ഓഫ് സാധ്യതകളെക്കുറിച്ചുള്ള ചർച്ചകൾക്ക് വഴിതുറന്നു. ഇതോടെ ടീം ക്യാപ്റ്റൻ ഋതുരാജ് ഗെയ്ക്വാദ് സഹതാരം സഞ്ജു സാംസണിൽ നിന്ന് ഭീഷണി നേരിടുന്നുണ്ടെന്ന വെളിപ്പെടുത്തലുമായി ക്രിക്കറ്റ് വിദഗ്ധർ രംഗത്തെത്തി.
മുൻ ഇംഗ്ലണ്ട് ക്യാപ്റ്റൻ മൈക്കൽ വോണും ന്യൂസിലൻഡ് മുൻ പേസർ സൈമൺ ഡള്ളുമാണ് ക്രിക്ബസ് ചർച്ചയിൽ ഗെയ്ക്വാദിന്റെ ക്യാപ്റ്റൻസി നേരിടുന്ന വെല്ലുവിളികൾ ചൂണ്ടിക്കാട്ടിയത്. രാജസ്ഥാൻ റോയൽസിനെ അഞ്ച് വർഷത്തോളം നയിച്ച പരിചയസമ്പത്തുമായാണ് സഞ്ജു സാംസൺ ഇത്തവണ ചെന്നൈയിലെത്തിയത്. സഞ്ജുവിന്റെ സാന്നിധ്യം ഋതുരാജിനെ സമ്മർദ്ദത്തിലാക്കുന്നുണ്ടെന്ന് വോൺ നിരീക്ഷിച്ചു.
ധോണിയെപ്പോലെ ഒരു വിക്കറ്റ് കീപ്പർ-ബാറ്ററായ സഞ്ജുവിനെ ടീമിലെടുത്തത് ഭാവിയിലെ നായകനായി കണ്ടുകൊണ്ടാവുമോ എന്ന ചോദ്യം പ്രസക്തമാണെന്ന് ഡള്ളും ശരിവെച്ചു. ഒരു വശത്ത് യുവനായകനെ പിന്തുണയ്ക്കുമ്പോഴും മറുവശത്ത് മറ്റൊരു മികച്ച നായകനെ ടീമിലെത്തിച്ചത് ഗെയ്ക്വാദിനെ മാനസികമായി ബാധിച്ചേക്കാം.
വലിയ ട്രേഡിലൂടെ ചെന്നൈയിലെത്തിയ സഞ്ജുവിന് പ്രതീക്ഷിച്ച തുടക്കമല്ല ലഭിച്ചത്. ആദ്യ രണ്ട് മത്സരങ്ങളിലും ഒറ്റയക്കത്തിന് പുറത്തായ താരം ഫോം കണ്ടെത്താൻ പ്രയാസപ്പെടുകയാണ്. ടി20 ലോകകപ്പിലെ മികച്ച പ്രകടനം ആവർത്തിക്കാൻ സഞ്ജുവിന് സാധിച്ചാൽ മാത്രമേ ടീമിൽ തന്റെ സ്ഥാനം ഉറപ്പിക്കാൻ അദ്ദേഹത്തിനാവൂ.
പഞ്ചാബിനെതിരെ 209 റൺസ് നേടിയിട്ടും ബൗളർമാരുടെ മോശം പ്രകടനമാണ് ചെന്നൈയെ തോൽവിയിലേക്ക് നയിച്ചത്. ഈ പരാജയം കിരീടപ്പോരാട്ടത്തിൽ ചെന്നൈയുടെ കരുത്തിനെക്കുറിച്ച് ആരാധകർക്കിടയിൽ സംശയമുണർത്തിയിട്ടുണ്ട്. വരും മത്സരങ്ങളിൽ നായകനെന്ന നിലയിൽ ഗെയ്ക്വാദിനും ബാറ്റിംഗിൽ സഞ്ജുവിനും ഇത് അഗ്നിപരീക്ഷയായിരിക്കും.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
പിതാവിന്റെ വിവാദ പരാമർശങ്ങൾ; കപിൽ ദേവിനോടും ധോണിയോടും മാപ്പ് പറഞ്ഞ് യുവരാജ് സിങ്
സഞ്ജുവിന്റെ സാന്നിധ്യം ഋതുരാജിന് ഭീഷണിയോ? ചെന്നൈ സൂപ്പർ കിങ്സിൽ 'ക്യാപ്റ്റൻസി' പോര്
രണ്ടാം തവണയും ചതിച്ച് 'ഓവർ റേറ്റ്'; ശ്രേയസ് അയ്യർക്കും പഞ്ചാബ് കിങ്സ് താരങ്ങൾക്കും
1-20260401073824.jpg)
മെസ്സിയുടെ കണ്ണീര്; ലാ ബോംബോനെറയില് വികാര നിമിഷങ്ങള്
1-20260401073824.jpg)
