ലിവർപൂളിന്റെ ഇതിഹാസ താരം മുഹമ്മദ് സലാ തന്റെ അവസാന സീസണിലും റെക്കോർഡുകൾ തിരുത്തിക്കുറിച്ചുകൊണ്ട് കുതിക്കുന്നു. ഞായറാഴ്ച നടന്ന മെഴ്സിസൈഡ് ഡെർബിയിൽ എവർട്ടണെതിരെ ലിവർപൂൾ 2-1 ന് ജയിച്ച മത്സരത്തിൽ ഗോൾ നേടിയതോടെ, ഡെർബി ചരിത്രത്തിൽ ഏറ്റവും കൂടുതൽ ഗോളുകൾ നേടുന്ന താരമെന്ന സ്റ്റീവൻ ജെറാർഡിന്റെ റെക്കോർഡിനൊപ്പമാണ് സലാ എത്തിയത്.
എവർട്ടണിന്റെ പുതിയ സ്റ്റേഡിയമായ ഹിൽ ഡിക്കിൻസണിൽ ഗോൾ നേടുന്ന ആദ്യ താരം എന്ന ഖ്യാതിയും ഇതോടെ സലായ്ക്ക് സ്വന്തമായി.
മത്സരത്തിൽ സലാ ലിവർപൂളിനായി ആദ്യ ഗോൾ നേടിയെങ്കിലും ബെറ്റോയിലൂടെ എവർട്ടൺ സമനില പിടിച്ചു. എന്നാൽ ഇഞ്ചുറി ടൈമിൽ വിർജിൽ വാൻ ഡൈക് നേടിയ ഉജ്ജ്വല ഗോൾ ലിവർപൂളിന് ആവേശകരമായ വിജയം സമ്മാനിച്ചു.
പ്രീമിയർ ലീഗിൽ എവർട്ടണെതിരെ സലാ നേടുന്ന ഒൻപതാം ഗോളാണിത്. ഈ സീസണിൽ ഇതുവരെ 23 മത്സരങ്ങളിൽ നിന്ന് ഏഴ് ഗോളുകളും ആറ് അസിസ്റ്റുകളും സലാ സ്വന്തമാക്കിയിട്ടുണ്ട്. സീസൺ അവസാനത്തോടെ ലിവർപൂൾ വിടാനൊരുങ്ങുന്ന സലാ, ഒരു ഇതിഹാസമായി തന്നെ ക്ലബ്ബിനോട് യാത്ര പറയാനുള്ള തയ്യാറെടുപ്പിലാണ്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260420040511.jpg)
-20260420031752.jpg)
-20201113033334.jpg)
-20260420031752.jpg)
