ആൻഫീൽഡിൽ നടന്ന പ്രീമിയർ ലീഗ് പോരാട്ടത്തിൽ ലിവർപൂളും ചെൽസിയും ഓരോ ഗോൾ വീതം നേടി സമനിലയിൽ പിരിഞ്ഞു. നിലവിൽ 36 മത്സരങ്ങളിൽ നിന്ന് 59 പോയിന്റുള്ള ലിവർപൂളിന് അടുത്ത സീസണിലെ ചാമ്പ്യൻസ് ലീഗ് യോഗ്യത ഉറപ്പാക്കാൻ ഇനി ഒരു വിജയം കൂടി വേണം. അതേസമയം, 49 പോയിന്റുള്ള ചെൽസിയുടെ യൂറോപ്യൻ പോരാട്ടങ്ങളിലേക്കുള്ള സാധ്യതകൾ ഏതാണ്ട് അവസാനിച്ച മട്ടാണ്.
മത്സരം തുടങ്ങി ആറാം മിനിറ്റിൽ തന്നെ റയാൻ ഗ്രാവൻബെർചിലൂടെ ലിവർപൂൾ ലീഡ് നേടിയിരുന്നു. കൗമാര താരം റിയോ എൻഗുമോഹ നൽകിയ കൃത്യമായ പാസ്സ് വലയിലെത്തിച്ചാണ് ഗ്രാവൻബെർച് ആൻഫീൽഡിനെ ആവേശത്തിലാഴ്ത്തിയത്. എന്നാൽ 35-ാം മിനിറ്റിൽ എൻസോ ഫെർണാണ്ടസിലൂടെ ചെൽസി തിരിച്ചടിച്ചു. പവർഫുൾ ഷോട്ടിലൂടെ എൻസോ നേടിയ ഗോൾ മത്സരത്തിൽ സന്തുലിതാവസ്ഥ തിരികെ കൊണ്ടുവന്നു. രണ്ടാം പകുതിയുടെ തുടക്കത്തിൽ കോൾ പാമർ ചെൽസിക്കായി ഗോൾ നേടിയെങ്കിലും വാർ പരിശോധനയിൽ അത് ഓഫ്സൈഡ് ആണെന്ന് കണ്ടെത്തി റദ്ദാക്കി. ലിവർപൂളിന്റെയും ഒരു ഗോൾ ഓഫ്സൈഡ് ആയി.
എട്ട് മിനിറ്റോളം നീണ്ടുനിന്ന ഇഞ്ചുറി ടൈമിലും ഗോളുകളൊന്നും പിറക്കാതിരുന്നതോടെ മത്സരം സമനിലയിൽ അവസാനിച്ചു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260612011402.jpg){kind=spacer}
