ജോഹന്നാസ്ബര്‍ഗ്: ക്രിക്കറ്റ് ലോകത്തെ അമ്പരപ്പിച്ചുകൊണ്ട് ദക്ഷിണാഫ്രിക്കന്‍ വിക്കറ്റ് കീപ്പര്‍ ബാറ്റര്‍ ഹെന്റിച്ച് ക്ലാസന്‍ അന്താരാഷ്ട്ര ക്രിക്കറ്റില്‍ നിന്ന് വിരമിക്കല്‍ പ്രഖ്യാപിച്ചു. കുടുംബത്തോടൊപ്പം സമയം ചെലവഴിക്കുന്നതിന് മുന്‍ഗണന നല്‍കാനുള്ള ആഗ്രഹം പ്രകടിപ്പിച്ചുകൊണ്ടാണ് 33 കാരനായ ക്ലാസന്‍ വിരമിക്കല്‍ പ്രഖ്യാപനം നടത്തിയത്.
സ്‌ഫോടനാത്മക ബാറ്റിംഗ് ശൈലിക്കും മധ്യനിരയിലെ സ്ഥിരതയ്ക്കും പേരുകേട്ട ക്ലാസന്‍, ഏകദിനത്തില്‍ 2,141 റണ്‍സും ടി20യില്‍ 1,000 റണ്‍സും ടെസ്റ്റില്‍ 104 റണ്‍സും നേടിയിട്ടുണ്ട്. നാല് അന്താരാഷ്ട്ര സെഞ്ചുറികള്‍ ഇതില്‍ ഉള്‍പ്പെടും.
'അന്താരാഷ്ട്ര ക്രിക്കറ്റില്‍ നിന്ന് പിന്മാറാന്‍ തീരുമാനിച്ചതായി പ്രഖ്യാപിക്കുമ്പോള്‍ എനിക്ക് ഇത് ഒരു സങ്കടകരമായ ദിവസമാണ്. ഭാവിയില്‍ എനിക്കും എന്റെ കുടുംബത്തിനും ഏറ്റവും മികച്ചത് എന്താണെന്ന് തീരുമാനിക്കാന്‍ ഞാന്‍ ഒരുപാട് സമയമെടുത്തു. ഇത് വളരെ ബുദ്ധിമുട്ടുള്ള ഒരു തീരുമാനമായിരുന്നു, മാത്രമല്ല എനിക്ക് തികഞ്ഞ സമാധാനവും ഉണ്ട്,' ക്ലാസന്‍ പറഞ്ഞു.
2024 ല്‍ ടെസ്റ്റ് ക്രിക്കറ്റിനോട് ക്ലാസന്‍ വിടപറഞ്ഞിരുന്നു. എന്നാല്‍ ഏകദിന, ടി20 ഐ ടീമുകളില്‍ ദക്ഷിണാഫ്രിക്കന്‍ ടീമിന്റെ നെടുന്തൂണായി അദ്ദേഹം നിലകൊണ്ടു. 2023 സെപ്റ്റംബറില്‍ ഓസ്‌ട്രേലിയയ്‌ക്കെതിരെ 83 പന്തില്‍ പുറത്താകാതെ 174 റണ്‍സ് നേടി ക്രിക്കറ്റ് ലോകത്തെ ഞെട്ടിച്ചു.
2018 ല്‍ ഇന്ത്യയ്‌ക്കെതിരെ അരങ്ങേറ്റം കുറിച്ച ക്ലാസന്‍ ദക്ഷിണാഫ്രിക്കയുടെ മാത്രമല്ല, ആഗോളതലത്തില്‍ വിവിധ ടി20 ലീഗുകളിലെയും ഒരു പ്രധാന താരമായി വളര്‍ന്നു. ഐപിഎല്‍ 2025 ല്‍ സണ്‍റൈസേഴ്‌സ് ഹൈദരാബാദിനായി അദ്ദേഹം തിളങ്ങി. സീസണിലെ അവസാന മല്‍സരത്തില്‍ കെകെആറിനെതിരെ 39 പന്തില്‍ പുറത്താകാതെ 105 റണ്‍സുമായാണ് ക്ലാസന്‍ 2025 ഐപിഎല്‍ അവസാനിപ്പിച്ചത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20250521023749.jpg)
-20250604033651.jpeg)
-20250604032006.jpeg)
-20250604031328.jpeg)
-20250422031950.jpg)
