നിക്ഷേപകർ സ്വർണത്തിലേക്ക്; സംസ്ഥാനത്ത് വീണ്ടും കുതിച്ചു സ്വർണ വില

JANUARY 19, 2026, 11:23 PM

തിരുവനന്തപുരം: സംസ്ഥാനത്ത് സ്വർണവില വീണ്ടും കുത്തനെ ഉയർന്നു. തുടർച്ചയായ ദിവസങ്ങളായി വില വർധിക്കുന്ന സാഹചര്യത്തിൽ ഇന്ന് ഒരു പവൻ സ്വർണത്തിന് 760 രൂപയാണ് കൂടിയത്. ഇതോടെ ഒരു പവന്റെ വില 1,08,000 രൂപയായി.

ഗ്രാമിന് 95 രൂപ വർധിച്ച് 13,500 രൂപ എന്ന നിലയിലേക്കാണ് സ്വർണവില എത്തിയത്. 24 കാരറ്റ് സ്വർണത്തിന്റെ പത്ത് ഗ്രാം വില 1,46,328 രൂപയായി ഉയർന്നു. വെള്ളിയുടെ വിലയും ഉയർന്നിട്ടുണ്ട്. ഒരു കിലോഗ്രാം വെള്ളിക്ക് നിലവിൽ 3,12,500 രൂപയാണ് വില.

അന്താരാഷ്ട്ര വിപണിയിലെ സംഭവവികാസങ്ങളാണ് സ്വർണവിലയെ പ്രധാനമായും സ്വാധീനിക്കുന്നത്. യുഎസും യൂറോപ്യൻ രാജ്യങ്ങളും തമ്മിലുള്ള വ്യാപാര സംഘർഷങ്ങളും വിവിധ മേഖലകളിലെ ഭൗമരാഷ്ട്രീയ അനിശ്ചിതത്വവും സ്വർണവില ഉയരാൻ കാരണമായി.