ന്യൂഡല്‍ഹി: ഐസിസി വനിതാ ക്രിക്കറ്റ് ലോകകപ്പിന്റെ പതിമൂന്നാം പതിപ്പ് ആരംഭിക്കാന്‍ പോകുകയാണ്. ആറ് ടീമുകളാണ്. യോഗ്യതാ മത്സരങ്ങളിലൂടെ രണ്ട് സ്ഥാനങ്ങള്‍ ഇതുവരെ സ്ഥിരീകരിച്ചിട്ടില്ല.

ഏപ്രില്‍ 9 മുതല്‍ ആറ് ടീമുകള്‍ ഉള്‍പ്പെടുന്ന ക്വാളിഫയര്‍ ടൂര്‍ണമെന്റ് പാകിസ്ഥാനില്‍ നടക്കും. ഈ വര്‍ഷം അവസാനം ഇന്ത്യയില്‍ നടക്കുന്ന എട്ട് ടീമുകളുടെ ടൂര്‍ണമെന്റിനുള്ള ടീമുകളെ ഇതോടെ അന്തിമമാക്കും. സെപ്റ്റംബറില്‍ ഇന്ത്യയില്‍ നടക്കുന്ന വനിത ഏകദിന ലോകകപ്പ് മല്‍സരങ്ങള്‍ക്കു തിരുവനന്തപുരവും വേദിയാകും. ബിസിസിഐ ഏപെക്‌സ് കൗണ്‍സില്‍ യോഗത്തിലാണ് തിരുവനന്തപുരം കാര്യവട്ടം സ്‌പോര്‍ട്‌സ് ഹബ് സ്റ്റേഡിയവും വേദിയായി തീരുമാനിച്ചത്. ഒന്നിലേറെ മത്സരങ്ങള്‍ ഇവിടെ നടക്കും. ഏതൊക്കെ മത്സരങ്ങളാണെന്നു വൈകാതെ തീരുമാനമാകും. ഇന്ത്യയുടെ മത്സരങ്ങള്‍ ഉള്‍പ്പെടെ ലഭിക്കാനാണ് കേരള ക്രിക്കറ്റ് അസോസിയേഷന്റെ ശ്രമം.

ടീമുകള്‍

പാകിസ്ഥാന്‍, വെസ്റ്റ് ഇന്‍ഡീസ്, ബംഗ്ലാദേശ്, അയര്‍ലന്‍ഡ്, സ്‌കോട്ട്‌ലന്‍ഡ്, തായ്ലന്‍ഡ്.

യോഗ്യത

2022-2025 ഐസിസി വനിതാ ചാമ്പ്യന്‍ഷിപ്പില്‍ ഏറ്റവും താഴെയുള്ള നാല് ടീമുകള്‍ - ബംഗ്ലാദേശ്, വെസ്റ്റ് ഇന്‍ഡീസ്, പാകിസ്ഥാന്‍, അയര്‍ലന്‍ഡ് - വനിതാ ക്രിക്കറ്റ് ലോകകപ്പില്‍ പ്രവേശിക്കുന്നതിന് രണ്ടാം അവസരം നല്‍കും.

ഐസിസി വനിതാ ഏകദിന ടീം റാങ്കിംഗില്‍ ഏറ്റവും മികച്ച റാങ്കുള്ള ടീമുകളുടെ അടിസ്ഥാനത്തില്‍ സ്‌കോട്ട്‌ലന്‍ഡും തായ്ലന്‍ഡും സ്ഥാനം നേടി.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്