യുഫേഫ ചാമ്പ്യൻസ് ലീഗിൽ അവസാന പതിനാറിലേക്ക് നേരിട്ട് യോഗ്യത കണ്ടെത്തി ആസ്റ്റൺ വില്ല. സ്‌കോട്ടിഷ് ചാമ്പ്യന്മാരായ സെൽറ്റിക്കിനെ ആവേശപോരാട്ടത്തിൽ 4-2ന് തോൽപ്പിച്ച ആസ്റ്റൺ വില്ല ഗ്രൂപ്പ് ഘട്ടത്തിൽ എട്ടാം സ്ഥാനം നേടുക ആയിരുന്നു.

യുവതാരം മോർഗൻ റോജേഴ്‌സ് നേടിയ ഹാട്രിക് ആണ് വില്ലക്ക് വലിയ ജയം സമ്മാനിച്ചത്. 3, 5 മിനിറ്റുകളിൽ റോജേഴ്‌സിലൂടെ വില്ല മുന്നിലെത്തിയപ്പോൾ ആദം ഇഡാഹയിലൂടെ 36, 38 മിനിറ്റുകളിൽ സെൽറ്റിക് തിരിച്ചടിച്ചു. എന്നാൽ രണ്ടാം പകുതിയിൽ വില്ല പാർക്കിൽ ഇംഗ്ലീഷ് ക്ലബ് ജയം പിടിച്ചെടുത്തു. 60-ാമത്തെ മിനിറ്റിൽ വാറ്റ്കിൻസിന്റെ ഗോളിൽ അവർ മുന്നിലെത്തി.

67-ാമത്തെ മിനിറ്റിൽ വാറ്റ്കിൻസ് പെനാൽട്ടി പാഴാക്കി. എന്നാൽ ഇഞ്ച്വറി സമയത്ത് 91-ാമത്തെ മിനിറ്റിൽ വാറ്റ്കിൻസിന്റെ പാസിൽ നിന്ന് ഗോൾ നേടി ഹാട്രിക് പൂർത്തിയാക്കിയ റോജേഴ്‌സ് വില്ല ജയം ഉറപ്പിച്ചു.

പരാജയത്തോടെ 21 -ാം സ്ഥാനത്തായ സെൽറ്റികിന് അവസാന പതിനാറിൽ എത്താൻ പ്ലെ ഓഫ് കളിക്കണം.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്