റയൽ മാഡ്രിഡിന്റെ ബ്രസീലിയൻ വിംഗർ വിനീഷ്യസ് ജൂനിയറിൽ  കണ്ണുവച്ച് സൗദി ക്ലബ്ബുകൾ. പുതിയ സീസണിൽ വിനീഷ്യസിനെ സൗദി അറേബ്യയിലേക്ക് കൊണ്ടുവരാൻ ക്ലബ്ബുകൾ റെക്കോർഡ് ട്രാൻസ്ഫർ ഫീസാണ് വാഗ്ദാനം ചെയ്യുന്നത്.

കഴിഞ്ഞ തവണ ബാലൺ ഡി ഓർ വിനീഷ്യസ് നേടുമെന്ന്  ഏതാണ്ട് ഉറപ്പായിരുന്നു, എന്നാൽ അവസാന നിമിഷം റോഡ്രി അദ്ദേഹത്തെ മറികടന്നു. 2025 ൽ സൗദി പ്രോ ലീഗിലേക്ക് താരത്തെ കൊണ്ടുവരാനാണ് നീക്കമെന്നാണ്  റിപ്പോർട്ട്. 

ലോക ഫുട്ബോളിലെ ഏറ്റവും മികച്ച കളിക്കാർ വേനൽക്കാല ട്രാൻസ്ഫർ മാർക്കറ്റിൽ പ്രോ ലീഗിലേക്ക് വരുമെന്ന് സിഇഒ ഒമർ മുഗർബെൽ കഴിഞ്ഞ ദിവസം പ്രസ്താവിച്ചിരുന്നു. 

അല്‍ -ഹിലാല്‍, അല്‍ -അഹ്ലി ക്ലബുകളാണ് വമ്ബൻ വാഗ്ദാനവുമായി താരത്തിനായി നീക്കം നടത്തുന്നത്. കഴിഞ്ഞദിവസമാണ് മറ്റൊരു ബ്രസീല്‍ സൂപ്പർതാരം നെയ്മർ അല്‍-ഹിലാലുമായുള്ള കരാർ അവസാനിപ്പിച്ച്‌ നാട്ടിലേക്ക് മടങ്ങിയത്. പരസ്പരധാരണപ്രകാരമാണ് കരാർ റദ്ദാക്കല്‍. 2023 ആഗസ്റ്റില്‍ ടീമിലെത്തിയ നെയ്മർ തുടർച്ചയായ പരിക്കുകള്‍മൂലം ഏഴു മത്സരങ്ങളിലാണ് അല്‍ ഹിലാല്‍ ജഴ്സിയില്‍ ബൂട്ടുകെട്ടിയത്. ഈ സീസണില്‍ രണ്ടുതവണ മാത്രം.

2000 കോടി നല്‍കി 2023ലാണ് അല്‍ ഹിലാല്‍ നെയ്മറിനെ ക്ലബിലെത്തിച്ചത്. റിപ്പോർട്ടുകള്‍ ശരിയാണെങ്കില്‍ നെയ്മറിന്‍റെ ട്രാൻസ്ഫർ റെക്കോഡ് മറികടക്കുന്ന തുകയാണ് വിനീഷ്യസിന് വാഗ്ദാനം ചെയ്തിരിക്കുന്നത്. റയലിന് മുന്നില്‍ 300 മില്യണ്‍ യൂറോയുടെ (2700 കോടി രൂപ) ഓഫറാണ് സൗദി ക്ലബുകള്‍ വെച്ചിരിക്കുന്നത്.വിനീഷ്യസിന് അഞ്ചുവര്‍ഷത്തെ കരാറിനായി ഒരു ബില്യണ്‍ യൂറോയും (ഏകദേശം 9,000 കോടി രൂപ) ക്ലബുകള്‍ വാഗ്ദാനം ചെയ്തതായി റിപ്പോർട്ടുകള്‍ പറയുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്